قالت بدون وقلت :: !!!

[حسين الحوّاس الجباري]

لكم يا آل ابعاد اشكوا جفا الارض التي احببتها
وغربتي في وطني

[poem="font="simplified arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black""]قالت بدون! وقلت: يادرة البيد=تكفين يابنت الحلال افهميني

قالت بدون! وقلت : كافي تساهيد=انتي ترى ويـ (الزمن) تحطبيني

لاتلمسين الجرح تطلع تناهيد=ويصيح حزني داخلي وايحديني

انا ابدويّن قطّعتة الجراهيد=واعرابي يابنت العرب واعربيني

وان كان خوفِك بالولا والمواليد=طفلٍ ولد بِك يالغلا جغرفيني

ياما صدح صوتي سلام واناشيد=وياما كتمت الصوت بيني وبيني

ايزيد لِك وايزيد وايزيد وايزيد=حبّي ولا غير الشقا محتويني

تعالي احلى من الفرح والزغاريد=واخذيني مقطوعة حزن واعزفيني

مليت اسولف للبحر للجلاميد=مليت اسولف للثرى باللي فيني

مليت اسولف للشتى لللواهيد=مليت اسولف للورق سولفيني

ياصعب من الحسرة بعين المقاريد=انتي ترى سهلة يلو تنصفيني

لاتحرمين القلب قطف العناقيد=مدّي لة اشوية هنا واحرميني

وان صار جثماني على غير هالبيد=ردّيني لرضك وابثراك ادفنيني[/poem]

،

،

،

،

،