[POEM="font="Traditional Arabic,6,teal,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أزهـر بحبّـك "حياتـي" قلبـي وْطــال=..حسّيت لك قبل مااعرْفِك ميول وقابليّـه!!
أشـوف بـك للمحبـه رمــز ومْـثـال=جيتي ..هلا بك..نسينا فيك ليلـى العامريّـه
أمطـر بقلبـي غرامـك عـطـر هـمّـال=فاحت بقلبي فنونـك مثـل دلّـه شاذليّـه
رحّبْت بـك وانسحـرت بوهـج الإقبـال=وبُحتي بحبك وشوقك والطيـوف الحاتميّـه!
الفاتـن المغـري أجمـل مـن لبـس شـال=ما شفت مثلـه ولا والله مـا نلقـى حليّـه
اجتاحنـي يـوم شفتـه هـول زلــزال=اغرقني الموج .."بس الأرض عندي ساحليّه"!!
أبحـرت بالخـد واغرقنـي بــه الـخـال=و مدّيت حبل النجاه برمش عينٍ نرجسيّـه!!
إلـى تثنّـى قوامـه ضِعـت..! وإن مـال=حسّيت كِن الجبال بثقلهـا طاحـت عليّـه
فتنتنـي يـا عـريـب الـجـد والـخـال=واشْغلتني "حسبك الله" يوم أنا نفسي خليّـه
تعـال والمـس خفوقـي وانعِـش الحـال=تعال تلقـى أثـر سحـر العيـون البابليـه
تعـال والعـب بقلبـي لعـب "عُـقّـال"=كما تبي..! وإن بغيت الجاهليّـه جاهليّـه !
تعبـت أغنّـي هيامـي فـيـك مــوّال=تعال..وآخلّي المسحوب لاجلك سامريّـه !!
تعـال تلقـى حبيبـك فـيـك يخـتـال=وش لي بهالناس دام إني ملكـت الغامديّـه! !
[/POEM]