لأبعاد الادب ..
تواصل فكري .. راقي .. اعتز به كثيراً
أخترت لتجديده ..
هذه المشاركه ..
التي أتمنى ان ترتقي لتصلكم ..
[poem="font="traditional arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تقدّم .. وافرز (آمالك) من آلامك ..=على جال السهر واستفرد بصدري
تصرّف في رواسب عضة ابهامك=انا ماعدت قاويها .. ومن عذري ..
.. وصلت آخر حدود الياس .. قدامك=ولاحتى .. لحق بعضك على صبري!
اعاتب .. لني ماقد برت في خامك =ولا فكرت وانت بمنهجي تدري
ولن مالي بيمْنك ولالي بشامك = سوى .. همٍ كبر .. واستأثر بعمري
عطيته كل إلهامك .. وإلهامك= خذاني دون ما ادري .. الى .. مدري ..!
دخيل اللي سجدنا لخشيته دامك=دريت بموقفي .. خلك على خبري
تذّكر وش دوافع لحظة إقدامك=وهات من القصيد الصافي العذري
ولاترتاب لو افرطت بإلزامك !=ترى ماعادت عقول العرب تغري!
واسمحلي على ماْ ترتب (احلامك)=اخاطب من تجاهل وضعه المزري!
ياهوه .. اشلون ماتخجل من اقلامك=وانت تعدها في نظرتك كوبري !
تكفر بالصحيح وتظهر اسلامك=وانت اوضح من الإرهاق ع العبري !
خنت إعلامك او من خان إلمامك= في كلتا الحالتين الداء مستشري
ترّفق .. واستعذ بالله من اوهامك =واستشعر امانة منبرٍ فكري
مافيه أسهل من انك تِحرف اقدامك=ولا اصعب من انك تتجه دغري !
رساله غارقه بالصدق ل إعلامك=بعدها .. بعد اذنك بارجع لشعري
هلابك كثر ما ذل العرب .. ضامك=هلابك كثر ماعزٍ مضى .. يطري
كثر ماْ انحبست العبره لإكرامك=كثر ماْ تخفت الدمعه ورا حبري
ومدام (احلامك) بتبقى هي (احلامك)=وعد.. لابقى الزمن كله على خبري ..
..ولو خاب الامل وازدادت الآمك=.. ولو ريح العنا عكس المُنى .. تجري ![/poem]
..