وقـت الـنـقـا

[محمد الزويد]

السلام عليكم و رحمة الله و بركاته





[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بيني و بين النفس نـيـّه على مـوعـد لــقــا=و زيـّنـت قاف المسأله وانتعش ضيق الطواريق

بديت في حساب العمر كم به افراح و شقا=لقيت بأني متهم و الخطا يحتاج تـحـقـيـق

بعض الامور تخيب آمـال هـقـوة من هـقـا=من يوم تشويش الحقايق طمس صدق المواثيق

عندي قناعه و اعتبرها طريقي لـلـوقـا=الحظ صنـّاع الفرص لكن الدنيا توافيق

وانا خذيت مـْن الفرص حاجتي وقت النقا=والحمد لله جت كما ينبغي من غير تلفيق

الناس مليانه حسد و الضرر من الاصدقا=لا خير في من يخذل ظـْنون ربعه حزة الضيق

ماحدٍ على الارزاق حدد نصيبه و انتقا=الرزق بيدين الولي و السعي همه و تشويق

المال حاجه لـلـتـرف و الغني فيه ارتـقـا=ما ضاعت فلوس ٍ حلال اجُمعت من نشفة الريق

من شـدّ بالـنـفـس التحدي الى العليا رقــا=ولا اندثر جهد ابذله لجل يوصل للشواعيق

الـزرع يشفع له يباس الورق لو ما سـقـا=و العيب لو طال الرجاجيل ما ضرّ الشواهيق

الخير في بعض الخسايـر اشوف انه وقـا=ياما استفدت من الخساير ولا هزّ الصدر ضيق

وان كان بـاقـي لي نصيبٍ بـدوّر مـا بـقـا=من فرصةٍ تروي ضما اوراقي و ضيق الطواريق[/poem]