شظايا ثلجية

[سلطان الدوسري]

.
.
يسعد صباحاتكم \ مساءاتكم بالهيل والزعفران ..
قصيدة ثلجية ولكن بـ شظايا لكم أن تتخيلوها ..
وكذلك القصيدة مطروحة للنقد والتشريح من الجميع وخصوصا \ قايد الحربي ..
هي لكم فـ إفعلوا بها ماشئتم ..
.
.
.
[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]شظية ثلج مجنونه .. فتايلها برود اعصاب=وقدّاح الزمن ضوّه طفت في ساعة التخريب
احسّ ايدين مخفيه تعبّث في سواد(ن) شاب=بياض(ن) من صغر سنّي .. سقاه القلب بالتدريب
بياض(ن) غصب عن جدّي اطيعه لو تطير رقاب=اقدّر شيبة(ن) فيني اذا غيري نوى تكذيب
غزاني شيب واكبرني بعين الناس والألباب=اذا عشرين قد شابن ؟ بواقيهن بلا تثريب
ولاتثريب يلحقكم .. روايه لابسه هالكاب=( دونت سبيك ) يادفتر (إف يو ويل ؟) بالتقريب
يعني لو بغيت الهرج ؟ لمّح حين قرع الباب=واذا مفتوح من اوّل .. تأكد تقرعه تهذيب
لأن المؤتمر مفتوووح .. وغلقه صعب من كذّاب=اذا بغداد مبيوعه وشرط العقد ع التشطيب
واذا ترميم؟؟ ذا عادي .. نرمّمّ قدس بالإسهاب=لأن الوعد من بلفور صيانة عقد بالتنديب
نبيع بجدّ .. نصون بجدّ .. وحاصلها هنا إرهاب=ونفس الفعل بيديهم ؟؟ دفاع النفس للترغيب
ولو هي برتقاله في نقاش " وتعصر " الأسباب؟=تحسّ الناس " تتزكّم " عشان تذوق لو تجريب
رحمك الله ياوقت(ن) تهاوشنا على العنّاب=تموت البرتقاله في صحنها مالها ترتيب
وتصنيف الفواكه في زمنّا مايجي بحساب=طبيعي لو تشوف خيار يصنّف فاكهة ترطيب
زمان(ن) مات ماينفي مراحل رتّبت أحقاب=وشاهدها على الطاري ؟؟ اظنّه كذبة التنصيب
ورفع النَصب لايُمكن / وضمّ الرفع ماينعاب=واذا تنصيب بإستحقاق ؟؟ تحسّ بقوّة الترهيب
ونصّبني بعد عيني على عرشه بعد إضراب=لأني قاعد ادّلع / وأكسر خاطره تعذيب
فديته ايه احبه موت اصبّح له على الأهداب=وامسّي له على الأجفان .. ابوّس عين بالترحيب
واذا في يوم واحشني .. اغمّض عين ماارتاب=احس بنوره الوافي ينوّر سكة التغريب
بغمضة عين اصير شتات ويجمعني وهو ماتاب=واذا حاول يلملمني اقول شوي ياحبّيب
ابي لي وقت متشتّت .. احبّ البعثره تنتاب=مواقع لملمه فيني ابيها تنتثر تذريب
واذا فتّحت غمضة عين جاني في يديه كتاب=ويحضنّي يقول ارجوك كتابي ذا يبي ترتيب[/poem].
.
.
احتراماتي