صمت المكان

[عبدالعزيز سحل]

[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]رغم أنف طغيان الجناة الطحاطيـح=والله كبيـرة يامعاقـل صـروحـي
صدي الظروف العاتية واهزمي الريح=عيشي معايا في طلاسـم وضوحـي
الوقـت ارعـن والليالـي مشافيـح=صمت المكان يفوق صمته طموحـي
صنـدوق قلبـي ماتفكـه مفاتيـح=دونه ضلـوع صافنـات جموحـي
لابـارك الله بالوجيـه المكالـيـح=سود القلوب اللـي تبنـو جروحـي
قفو بأعـذب فاتنـة ريمـة السيـح=الجـادل اللـي ماتمنـت نزوحـي
قفّت وانا اشوف الدموع المسافيـح=ماكني اسمـع سالفتهـا ولا اوحـي
الحـر مايحـرث حقـول الفلاليـح=ماهو على هـزل النوايـا كدوحـي
مابين اصيح وبين ابصبر ولا اصيح=مثل الذي مابيـن صمتـي وبوحـي
حضّي عجوز تمشي شوي وتطيـح=هي عنكبوت وسلكها خيـط روحـي
ياصمتـي العاجـز يكفيـك تلميـح=لو تظهر العفـه سكوتـك ذبوحـي
هدوء قبل العاصفـة دون توضيـح=دمعة قهر تسبـق تقاطيـع نوحـي
اعاني الديجـور ويـن المصابيـح=عجزت احصلّلي صديـقٍ نصوحـي
ماعدت اطيقـك ياحنـان التماسيـح=السـم بأنيابـك ودمعـك سفوحـي
وين انت ياللي تسكن القلب وتريـح=يسعد خفوقي شوف وجه سموحـي
الناس تفـرح مـادرو بالمجاريـح=وانا خفوقي بيـن حدبـه يفوحـي
اعصر صديد المهزلة واخرج القيـح=مايستفيـد الا لـسـانٍ لحوحي[/poem]