رسالة توصل لـ.. أسماء
صباحك مثلي يا أسما
طيورٍ سود.. وغوايه
تهجّي دبلتك في رغبة الطالق!
يتيمه.. مثل (روج) بداخل غْشايه!!
:
لو أحكي لك عن (الراشد)
عن اللي في قفص صدرك..
سجنتي شهوة الدّيّوث
يطير العمر يا أسما
ولا لك للأماني جناح
مثل ما انتي.. على ما انتي
جسد يتلون بأبيض
لأبيض يلتوي ويمرض!!
مساء الغفله يا أسما؟
وباحـ..ـكيـ..ـلك....
قرابة عشر أو أكثر
قبل شبل الـ(هبا) ينجاب
قبل لا تقري بإذن النذاله قرط
على أحمر شفاهك.. كان:
تتكوم رجولة نذل
رجل يغسل صديد عروقه بأزبد مياه الشط!!
:
تأرْجَح شيّ من طيني..
يناديك.. ويناجيني
يبي يطلق سراحك من زفاف أعمتّه رتوتشه
من قروشه
من (الفستان) ليلة خانته (كوشه)!!
كبيره غلطتك يا اسما
وانا ما ني شموس وما..
:
قرابة عشر في بالي
ويذكرها..
كثر ما انتي بريئة منه
حبيبه: من حزن شالك.. لخلخالك
وانا مثلك حزن سالك!!
رجل كلما كبر ذنبه:
يعيدك قبل هـ.. الليلة بعشر سنين
ويحـ..كيـ..لك....
عن (الراشد)
يـ.. هانم: ليه ما ينمى القرار وبسّ؟!
خطف مرجاحة عيونك
زلق من كبريا الأعراف
هنااااك.. بضفة ظنونك
أكيد انه يبي يصونك
ولا تنسين:
قبل لا تعرفينه مبتدي يخونك!!
ولا تفاح..
يتساقط لكفاره..!!
:
عرفتيني؟!
أنا الراكد على ضفة صباحاتك
قبل لا تمسحي التاريخ..
على سبورتك..أرّخت:
يـ..هانم للبحر ملحه
مثل ما للجبل طبشور
:
حقير اللي خطف شمعة حياك.. وذااااب
يعدّ أطفالك ويغفى
يعدّ نعاجه ويحلم..!!
ولا يفقه (عشر) ثاري
عرفتيني؟
صباح الصدمة يا أسما..!!
قبل لا يشربك تحضيرك الأزرق..
قبل غلاية الشاهي
تعالي نرجع بخطوه ورى صوب المسا الواهي
لدبلة عار في يسراك
أبذ.. ـكر.. ــلك:
وانا كتب له عن شفاتك..
عرفت إنك بلا أمشاط
أسرتي بغرتك مخلص..
رجل في زفتك.. ينقص!!
تبين الصدق يا أسما..
ولا انتي بذمة (الزيجة)..!
نعم طالق..
ثلاث العار.. واقريها:
عروس بـْ.. فبركة خاين)..!! )
قرابة عشر أو أكثر
أعيد اسطورتك.. وانتي
حقيقة بلا رجل.. وعيال
نفضّ السيرة يا أسما:
أبد مَا بْذمتك رجّال!!
نعم طالق
نعم طالق..
نعم طالق...!
بصحة (راشدك). هـ..ــالنذل
عرفتيني؟!
أنا اعرفك قبل لا تقري (المأثور)
قبل كل النسا اعرفك..
قبل لا ياخذك واحد.. عروقه بور
أبامضي لك:
تحياتي الجليله من ظلام النور
المأذون!!
2000م
.