&& بــرلــمـــــان الــقــلـــــــب && - منتديات أبعاد أدبية
 
معرفات التواصل
آخر المشاركات
ما كنت أنا سلمى ..! (الكاتـب : نوف الناصر - آخر مشاركة : خالد صالح الحربي - مشاركات : 1 - )           »          ((قيد العنا قيد ...)) (الكاتـب : زايد الشليمي - آخر مشاركة : سيرين - مشاركات : 7 - )           »          مُتنفس .. شِعري ! (الكاتـب : سعيد الموسى - آخر مشاركة : زايد الشليمي - مشاركات : 795 - )           »          [ #مَعْرِضٌ وَ تَعْلِيْقٌ ] (الكاتـب : قايـد الحربي - آخر مشاركة : زايد الشليمي - مشاركات : 8221 - )           »          [ فَضْفَضَة ] (الكاتـب : قايـد الحربي - آخر مشاركة : زايد الشليمي - مشاركات : 75200 - )           »          !!.. غــُبـــــاااار قـُـــرآآآآني ..!! ( وإنِّـي لَـعَـلًى صـَبْـرٍ عـَظـِيــِمْ ).. (الكاتـب : خالد العلي - آخر مشاركة : نوف الناصر - مشاركات : 24 - )           »          مُعْتَكَفْ .. (الكاتـب : نوف الناصر - مشاركات : 75 - )           »          العرّاب (الكاتـب : سعيد الموسى - آخر مشاركة : خالد صالح الحربي - مشاركات : 1 - )           »          أحلام الكلام (الكاتـب : وليد بن مانع - آخر مشاركة : سعيد الموسى - مشاركات : 3 - )           »          من لا يعشق ليلى (الكاتـب : د.حاتم المصري - مشاركات : 0 - )


العودة   منتديات أبعاد أدبية > المنتديات الأدبية > أبعاد الشعر الشعبي

أبعاد الشعر الشعبي بِامْتِدَادِ الْلهَجَاتِ ، شِعْرَاً يَحْكِيْنَا .

 
 
أدوات الموضوع انواع عرض الموضوع
قديم 10-24-2006, 05:21 AM   #1
فواز الزناتي
( شاعر )

افتراضي && بــرلــمـــــان الــقــلـــــــب &&


كل عام وانتم بخير

,

,

,


[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أناأُطالب برلمان القلب تحديد المصير=روحي إجمعي نوّاب قلبك ثم بعدين اطلبي
روحي إجمعي نبضك وشريانك ورى الضلع القصير=وقلبك رئيس الجلسه وشوفيه ويش اللي يبي ؟
واتخذوا آراكم وثم أعطوني الراي الأخير=خلاص أنا ما عدت أطيق .. أما بلا .. ولا ارحبي
أنا أبدلي بالشهاده كيف ما صارت تصير=واخلّي الدعوى تصير أما حبي .. ولا دبي
بقول كل اللي أعرفه عنك يا وجه العبير=وان العطور اصورّ منّك يا غلاي ومكسبي
منتي قصيده قلتها أشكي من الوضع المرير=ومنتي قصيده قلتها من شان أكشّخ مكتبي
أنتي قصيده غير .. فعلاً لنّك أنتي غير غير=لاجيت أبكتبها أشب النار وآزيد إحطبي
ما قالها ذاك الفرزدق .. لا .. ولا مرّت جرير=ولا شواعير الثراث اليعربي والأجنبي
وما قالها أخطل صغير .. ولو طلع أخطل كبير!!=ماهمني بالشعر انا اتعب 1500 صبي
أشيل حمل جمال ماني بشايل ٍ حمل البعير=لجل عيون اللي لها نظرات تسبيني سبي
في هجرها .. أسير حافي من على الرمضا أسير=والشمس فوقي .. والعجاج يحوفني زاد تعبي
وفي وصلها .. كني على أطراف ضفّات الغدير=أشرب من الما وارتوي .. وانسى عذاب معذّبي
وبغيابها .. كني عصاة شويّب ٍ مبطي ضرير=مغير يكمخ بي من الجدران موّت لي عصبي
وحظورها.. مثل البشاره من بعد عودة أسير=بعيون أمه لا حضنها وقال يالروح إقربي
أحلم بها مثل الغنى بعيون رجال ٍ فقير=وأحلم بها حلم العقيم إن شاف له طفل يحبي
أنا أبيها لو على خبزه وتفرش لي حصير=وش ليّه بحمر النعم عندي هواي ومشربي
من فمّها شهد ٍ مصفّى والشعر مثل الحرير=جفول محد ٍ ناشها تجفل مثل طبع الظبي
لا من مشت كل الورود إتموت من حسن ٍ يُثير=إتموت غيره من حدود الشرق .. لين المغربي
لو تطلب إني آتنازل عن ذكائي .. قلت خير =أبا آتغابا لجل خاطرها واصير أغبى غبي
الحب ما يعرف صغير وما عرف يحشم كبير= متساوي ٍ بالحب قدر العبد والحر الأبي
والحين كانك ما اقتنعتي .. ما ابي كل المصير=وإذا اقتنعتي .. قلت لك ياغلا من اغليت إقربي[/POEM]

,

,

,




فواز الزناتي .....................,,

 

التوقيع

نقره لعرض الصورة في صفحة مستقلة

فواز الزناتي غير متصل   رد مع اقتباس
 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
&& ألــعـــن خـــــــيّره && فواز الزناتي أبعاد الشعر الشعبي 12 02-13-2007 03:59 AM
&& الــبــــــــارحــــه && فواز الزناتي أبعاد الشعر الشعبي 12 01-23-2007 04:03 PM
&& الـبــــــالـتــــــوك && فواز الزناتي أبعاد الشعر الشعبي 15 01-10-2007 03:26 PM
&& الليل .. والشعر .. واللوعه .. وترحالي && فواز الزناتي أبعاد الشعر الشعبي 21 12-24-2006 01:22 AM
&& على طــرف جاكيتهـــــا && فواز الزناتي أبعاد الشعر الشعبي 14 11-22-2006 10:37 PM


الساعة الآن 06:35 PM

الآراء المنشورة في هذا المنتدى لا تعبر بالضرورة عن وجهة نظر الإدارة

Powered by vBulletin® Copyright ©2000 - 2024, Jelsoft Enterprises Ltd.