العين الثالثــــة .!

[عبدالعزيز محمد المالكي]

( مدمي ساق )
شعر / خالد الداودي

وآقول لليل ما ينبت على اجفـانه
________ آخاف لا هزّ جفـنه يطيح بأحداقي
لعنت انا البرد ينعم دفـو سيقـانـه
________ وآويته بكتفي المتعـوب واعناقـي
من علّم الشمس تآخذ نور تيجـانه
________ تعكس سـرابٍ يبدد هاجس نياقي
يا لوعة الصمت بين اذنه وصّوانه
________ القى صـداها يترّدد داخل اعماقي
من ضجّة الشعر فيني خنت قيفانه
________ مع فاتنة فكري الممتد وإطراقـي
احرث يباس الوريد بمنجل احزانه
________ واجمع حصاد الغرام بسلّة أشواقي
من قبل تلفي علي شموس هجرانه
________ ضيعت فيها مبادي حمرة اشراقـي
وبّخت عينٍ تمـر حقـول رمانـه
________ واغرزت شوكٍ يصب المر تريـاقِ
تنحت تضاريس هذا الصبر بيبانـه
________ وأتجغرف ارضٍ تبيع الحلم والباقي
مساحةٍ جزرها التعبير يـا دانـه
________ البحـر اقرب صديق يفّكر اغراقـي
ظلالة المد تجهل هـدي شطآآنـه
________ وأنا جهولٍ أدور شط لـإرهـاقي
آغنيّ للجرح يآبه لأجـل تحنـانـه
________ اقول يآبه يا دجله وماني عراقـي
في ثلث بوحي يثور الجرح بركانه
________ وأخمده في ثلثي المسكوب بأوراقي
يا سيّدة حلمي المكسور باركـانـه
________ تعبت ادور قلوبٍ تعشـق اخلاقـي
من شح دلوك عليّ وجـدب غدرانه
________ تلّيت جـرحي وجيتك مدميٍ سـاقي
اهديت صدر الحنين عيون سهرانه
________ وآثرت عزفي على قيثارة اعواقـي