السلام عليكم ورحمة الله وبركاته:-
الأحبه في ابعاد .... وكلنا ابعاد ..
اسعد الله صباحكم/مساك بكل خير .
*
*
*
*
*
*
*
*
*
أضاءه
*
*
أرميـك من عيني ولا قول يـ حـول=ويـبـقـى بعينـي بـس هامات الأبطال.
*
*
*
*
*
أكبر مصايب هـ الزمان الدراويش=اللي قصير" مع نظرنا نظرها.
مايفهمون الا عقب حر يـ اكديش=والكدش ما يحتاج تتبع اثرها.
يبقون في وقت الملاقى مخاريش=وادنات طقه روحو في خبرها.
عن مثلهم فاصل ابـ مشواري الفيش=وكل(ن) اعلومه بـ الصحيح يخبرها.
اشهل بـ حالي عن هواء الـ لاش و الـ ليش=و أخوض عسرات الدروب وخطرها.
واكتب لناس" قدرو نعمة العيش=اللي تشرف بالذكر من ذكرها.
ناس(ن) تجارتهم فخر يـ ابو شويش=ربحان من تاجر بها ماخسرها.
تجارة(ن) تروي الكبود المعاطيش=مع خالق الدنيا ومنبت ثمرها.
ارداهم اللي مارضى بـ البخاشيش=و خطوة رديين الفعايل عثرها.
سلم عليه اليـ انتهض بـ اشقر الريش=حر" ولد حر" ونفسه شهرها.
واليا تساوت باعها ما سأل بيش=للـ وأحد المعبود روحة نذرها.
مبداه ما يرضى له الذل حتيش=ورجله عن دروب الرذيله قصرها.
ياقف بوجه المبغضين الـ خفافيش=اللي مع العالم تحفر حفرها.
هذاك عيني شافته دون تغبيش=ومثله رجال الطيب يزها فخرها.
مني لهم تحية(ن) ما بها طيش=ياكود ريحة عطرها من زهرها.
والا الردى وأهل الردى مابهم قيش=ناس(ن) عسى الـ معبود يقطع خبرها.
يمشون بـ أمـر منقضات الـ عكاريش=ما ميزو بين الصخور و كترها.
ما هم أوادم من وراهم دراويش=أهل العيون القاصره في نظرها.
وما جبتها كاش و تعمدت تـ لكيش=يكفي كذا مرضى القلوب تعصرها.
(وصلاة ربي عد ما رفرف الريش=على نبي الحق صفوة بشرها.)
الود والورد لكل من مر من هنا.
8/4/1429