بيدت حيلي .. بيّد الله .. حيلك
عدت ثلاث شهور .. وازريت .. لا أكتبك
الشـوق ياملهمـي بانـت خوافـيّـه
والصبر حد الحكي .. لين أعلن حداده
وش حيلتي والمشاعر .. منك صوفيًه
تطرفت لك جنون .. وجتـك منقـاده
اعرف وش فيك وانت تعرف وش فيًه
والصمت طبع .. وعنادك ماخذه عاده
الى متى والملامـح شبـه منفيًـه..؟
خارج حدود لحدود خارج بلاده ..!!
عطني لقمع الشعور (( هناك )) كيفيًه
واتركني اسهى على طاريك وارتـاده
يعني عشانك جمعت الشمـس والفيًـه
للحين قلبك مصُـر يواصـل عنـاده
والا عشاني .. تمـد الوصـل كفيّـه
صارت محانيك .. للاشواق معتـاده
كلك حلا ,, مختلـط توتـك وتوفيًـه
حتى الحلا فيك .. ماخذ سكر زيـاده
اذا العقـول بهوانـا شبـه معفـيًـه
كلن يصوغ الحكي .. من نبضه فواده
ودام الغـلا بـان والاجـواء ريفيًـه
تعال ابنظم من انفاسـي لـك قـلاده
سلطان المسلط
آخر المشاركات
03-23-2008, 12:17 PM
ملامح ,, شبه منفيّه ..!!
العرض الشجري