(((بسم الله الرحمن الرحيم)))
.
.
لكم ولـ أبعاد ولـ عبدالمجيد صقر..!
للرُقي في هذا المكان قداسةٌ تُجبرُ أحرُفي على الإنحاء
.
لقلوبكم قبل أعينكم ..!
.
عندما يكون العتب صحراء قاحله توؤد فيها الأحلام التي تسأل بأي ذنبٍ قتلت يكون للشعر تراتيلُ على ناي الوجع فأسمعوه...!
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بصحرا العتب ينشف لسان الحكي ويموت الكلام=وتوؤد حلوم وصالنا في جرهدي صحرا العتب
يوم الفراق استمطرت دنياي يالليل الغمام=لو تطعنين غيومها تمطر من فراقك تعب
استلحفتني ضيقتي والهم في صدري سْهام=والضيق لفّ الأمكنه حولي وانا صبري نضب
واستاحشت نظرات عيني من ظلامٍ في ظلام=وأوقدت من حر الحشا نارين وظْلوعي حطب
استأنس بنار الحشا في غيهب غْياب الوئام=وأكسر أعواد الخطأ وتْطيح دمعات الغضب
تكحلت عين السهر من دم طعنات الغرام=شوفي حمار دْموعها حول على الخد وخضب
وجه الزمن شاحب وانا ماعاد تنقلني عظام=ويزيد بي جرح الغرام اللي لاهالحينه رطب
اتوكأ حْروفي عسى لا طحت والعالم نيام=اقدر اكمل رحلتي في عالم حْلوم المحب
الصبر ثوبي والعَزْم زادي ورفقتنا احترام=وأرقى على سلم وصالك لينما فوق السحب
واليا تصعدت السما تضيق انفاس المُلام=يعني كذا أحس اني اختنق بالمقتضب
مجرة التحنان أودت كل ما فيني حطام=واليا سلمت اْمن النيازك جتني البلوى شهب
يالليل من دون الصباح تْحيل دمعات العتام=والشمس منديل الدموع لهالعتام المُكتئب
ويا بنت لا اسهرني فراقك وانهدم صرح الهيام=وماتت أماني فرحتي وأستعظموا الناس الخطب
دقي وتر حبي يغني لك على الدنيا سلام=وهذي شفايا فْراقنا غنت على ناي القصب
غنت تراتيل الفراق اللي طعن قلب الكلام=وماتت حروف اْوداعنا والقبر في صحرا العتب[/POEM]