تنهيدة .
محتاج لي راس يملاني دخون
___________أبغى انكتم واكتم همومي واضيع
بعض الوعي خارجه شكله جنون
____________ولصاحبه مخرج وباب وسيع
بعض الشقى صاحب وخلٍّ يمون
_____________وش فيه يومه درى جاني فظيع
والناس بالكيف تملاني ظنون
______________لين النفس انكفى وعيّا يطيع
عجزت ألاقي لـ ثوب اليوم لون
____________حتّى الزراير بـ عثراتي تضيع
وش هو الرجى والوفا اصبح يخون
____________حتّى الردى ماترك ولدٍ رضيع
شفت الردى .. ! يختلي بـ روحي ويصون
_______________بلواي باللي يكدّرني ويذيع
بنات همّي لقن عندي شجون
__________جوا ولعبوا بي وهن اهلي جميع
زحمة بلاوي ولاطاري السكون
_____________يمكن همومي بهالزحمة تضيع
اتغمّض دروب تحويني الجفون
__________لين انكشف دمعها أصرخ واذيع
محتاج لي راس يملاني مزون
_____________محتاج لي ناس تملاني ربيع
تحيّة لـ قلوبكم