>>> أبْسط حقوقي!!!

[مليح عياف الرويلي]

السلام عليكم ورحمة الله وبركاته


احبتي في ابعاد ادبيه


استبيحكم عذرا في الغياب القسري


وجئتكم بهذه المتواضعه السهل الممتنع

التي تطلبكم ادنى مراتب الرضا

^


^


^

[POEM="font="Arial,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الوحشه اللي خيّمت في خيالي=دقّت بقلبي ألف هاجس وولوال
واحشني اللي مستفزٍ هْبالي=واكبر قهر مقفي وهويعرف الحال
ادلّله كنّه شريدة عيالي=والبّسه من قافي ألفين خلخال
أغليه لو هو ماشرب من دلالي=واعزف على قانون دنياه موال
يكفيه إنّه مستثيرٍ سؤالي=ويكفيني أني اعشقه موت بهبال
هو رفّتي مع ربعتي مع خلالي=وهو واسط البيت المثولث ولا زال
زلزال بعده طامعٍ في جبالي=ياما بها خيّم وفي صخرها صال
عن ثدي حبه عاجزٍ عن فصالي=يبطي ولا يقدر يبعّدني أميال
غالي ورغم البعد سيد الغوالي=عندي ولا به شك ذره ومثقال
ودام انه اصبح من مزاين حلالي=وليّه عليه أربع جمالات وافضال
أشره عليه يْصير صدره شمالي =وينحت خيالي بين الاضلاع تمثال
وابسط حقوقي يستميت بدلالي=ويزرعني بعينه مساحات واغلال
لأني بنجم السما والعلالي=رفعته برغم الحواجر والاهوال
وأدري يموت بلحظةٍ من وصالي=بس القهر يقفي وهو يعرف الحال[/POEM]

وللاستماع وتحميل القصيده من الرابط


http://sv1.uploadyourfiles.de/file/t...DictRec(1).amr