جديدي بينكم
اتمنى ان ينال الرضا والقبول
بعد ما كان لحضورك حضورٍ ما بعده حضور
تحطم صرح عشرتنا شطبتِ الهاء يا نورهـ
بعد ما كنتي بعيني مثالٍ للبنات الحور
بعد ما كنت أنا أشوفك بكل أخطاك معذورهـ
كتبت حروفك بقلبي شطبتيها هدمتي السور
تبعتي ظلم أفكارك شربتيها يا أمورهـ
تجين وتعلني غيابك غبائك يكشف المستور
طلبتك تركدي بحكمك ولكن حيل مطيورهـ
خطيتي كثير في حقي وسامحت الخطا والجور
على شان الوفا يبقى علامة عشق مشهورهـ
أبد ما كنت في يومٍ هذاك العاشق المغرور
ولكن كنت أطوفها غرامك يفرض حضورهـ
وأعديها على كيفي وأطبقها وأعيش الدور
غرورك قد عما عينك تبين الصدق ؟ [ مغروهـ ]
خسرتي قلب قد حبك ألا يا قلبك المقهور
تبدد حلمك الوردي عنادك وضح الصورهـ
مدينة حبنا كانت مثالٍ ينضرب [ بالنور ]
تهدم سورها العالي حرام تصير مهجورهـ
أنا عايش على قدي حمدت الله بالميسور
أشيد فرحتي بيدي وأعيش أيام ميسورهـ
ومن حزني على حزني بنيت قصور فوق قصور
ولا غرتني هالدنيا ربيع الكذب وزهورهـ
صنعت من الحزن ضحكه وعطرت الشقا بعطور
حزين بداخلي لكن عشقت الحزن وشعورهـ
نصحتك بس ما طعتي تبعتي فكرك المهجور
طويتي كتاب عشرتنا شطبتِ الهاء يا نورهـ