[POEM="font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]وجه الشبه مابين حبري والأحـداق=كلٍ كتـب مـن دمعتـه مايلوعـه
امّا الشبه مابين وجهـي والأوراق=أن الحزن يفضح خفايـا ضلوعـه
حالي كما شمعه طفت لحظة ارهاق=نوري لمن حولي ونفسـي قنوعـه
أي والله إني محرقٍٍ نفسي حـراق=لعيون من خلاّ المشاعـر تجوعـه
الظامي اللي اتعبـه نشف الأريـاق=ماغير يستسقي دعـاوي رجوعـه
ليلي غداء صبحي تعوّدتـه شـراق=همٍ يبيّـن فـي ظلامـي سطوعـه
والحزن فج القلب من بين الأعماق=فتّق خفوقـي ليـن بيّـن طلوعـه
يزور مجلس هاجسي طيف الأشواق=وبيبان ويلي فتّحـت لـه جزوعـه
حسبي على الذكرى بلحظات تنساق=ويّاجروحن ارتوت مـن نبوعـه
من يستره صوتٍ تعرى من افراق=بانت به البحّـه تبيّـن خضوعـه
دام الفرح مشلول مايمشي بسـاق=بزف انا حزني وبمشـي بطوعـه[/POEM]
شعر فهد مفلح