موتي ولا دمعة قهر فوق خدي

[صالح الثبيتي]

[POEM="font="Simplified Arabic,5,white,bold,normal" bkcolor="darkred" bkimage="" border="double,4,black" type=2 line=0 align=center use=ex num="0,black""]يا نفس لا ترضي بذل ومهانه = موتي ولا دمعة قهر فوق خدي
مدامة ان ا لحب اصبح لعانه = عفي عن اسباب الردى لا تودي
سجي مع الايام صبر وطمانه = ولا يخذلك يأسي ولا قل جهدي
من باع ما يشرى ولا له مكانه = تايه مع الايام ماله مقدي
خلك مع اللي شاري القلب صانه = عن معترك غدر الليالي يردي
يفداك بالغالي ولا قل شانه = ماهمه اللي بالحكي قام يبدي
حبي وعيشي ورتعبي في امانه = رباً كريم وللمخاليق يهدي
توبي عن الزلات صوني الامانه = ولا تتبعي خطوات منهو مودي
يا نفس صبرك والعقل والرزانه = الثقل صنعه اثقلي لا تبدي
اعطي عطاك بعير منً وميانه = بالخير جودي لا تشحين مدي
حاتم مثل للجود ما يوم هانه = كثر العطا معروف ما ضن ردي
يا بنت هذا القلب بيدي ضمانه = وشموخ نفسي وعزتي وكل جدي
جولك كذا مع بعض في وسط دانه = مغلفه بالصدق والحب وردي
كنتي سباق ومن كسب في رهانه = ما غيري احداً كاسبك بالتحدي
جيتي مثل غيماً رجاه بزمانه = يروي صحاري من ضمى الوقت مدي
ازهر بداخل داخله كل خانه = حتى الفرح زين تباشير سعدي
حواك بحساسه وحب وحنانه = وفضلك عن منهو يبي بعض ودي
علمك معنى الحب في عنفوانه = وعيشك جوه قبل لاتستعدي
يعني جزاه الصدق هذا عشانه = حبك وسلم لك خفوقه تصدي
روحي وجرح القلب يبرى مكانه = موتي ولا دمعة قهر فوق خدي [/POEM]

وسلامتكم

صالح الثبيتي