طبعت لك في داخل القلب ديوان
حاصل على موثوق نبضه ومفسوح
ترويسه غلافه للاشواق عنوان
الحُب والاحساس والصدق والبوح
الصفحه الاولى مثل باب بستان
على نهر واغصان وازهار مفتوح
والثانيه تعزف على عذب الاوزان
قمة جمال الوصف بالشعر مشروح
والثالثه لوحة من انسان فنان
يرسم بريشة فن للفن بوضوح
والرابعه فيها قصص عشق خلان
في الذاكره تبقى على البال ماتروح
والخامسه لليل مع همس الاشجان
حلو الشعوراللي يجي ينعش الروح
والسادسه تعبير عن كان ماكان
غرشات تسكب عطرها ورد وتفوح
والسابعه تسلب ردا كل كتمان
فيها النظر مسموح والسر مفضوح
والثامنه فيها مجاعه وحرمان
فيها انين الصمت في صوت مذبوح
تاخذ مساحة كلها جرح واحزان
هو فيه شاعر مالمس هم و جروح؟
والتاسعه تسمع صدى كل حيران
غريب ومشتت وتايه ومجروح
والعاشرة واللي بعدْها على [آن ]
احلى من اللي قبلها جت على[اوح]