يتثاوب الفجر وده ينام

[أحمد عبدالله المعمري]

يــتــثاوب الــفــجر وده يــنــام بــين الــكلام
وصـحى عــصافير حــنجرتي بــغصن شجره

ودي ابـــوح بــهــمومي لــلــملا يـا حــرام
أكــسر خــواطر حــروفي واغــصب الــمحبره

كــان الــطهر فــيض يــنبع مــن كـفوف الــكرام
الــشــعر ايــضــاً حــروفه بــعضها مُــجبره...

لــلــمنكسر لــلــيتاما فـــي هديــل الــحمام
أهــديــت عــابــر ســبيلي كــل حــقل الــذره

مــا كــنت افــتش عــن الأضواء خلف الغمام
كــانت نــجومي تــصحي الــليل لجل اسهره

بــيني وبــين الــمعاني الــف شــرهه وخصام
وطــريـــق مــمــلي مــتاعب لــلوصل مــوعره

وإذا نــصرت الــضعيّف فــي دجــايا الــظلام
نــــورت دربــه وكــسبت مْــن الــغلا انــدره

مــن يــركب الــخيل دون الــسرج ولا اللجام
مـثـل الــذي روض مْــن ســبـاعها قــسـوره

والــعــاصفه مــا تــخلف غــير فــقد وحــطام
ومــن يــجهل البحر وش له في البحر يبحره

بــعض الحكي يجبرك تلصق في صدره وسام
وبــعض الــحكي مــكيجة طــفله على منظره

ومــن كــان يــحسبني بين الشعر والانسجام
انـــا عــلــى فــطــرتي مــخلوق فــي بــعثره

يــالــلي مــكــلف تــثــبت بــصــمتي بــالبهام
مانـــي بــعـــروه بإبن الــــورد و الشـنفره

اســالــم الــلــي يــحــب مــفاوضات الــسلام
واحــارب الــلي يــحب الــحرب لــو أخــسره

ســمي حــروفي عــلى كــيفك صــغار وقزام
تــبقى حــروفي مــن الــرجس الخفي طاهره

اعــبــاقها قــيــحوان الـــورد و الــعود خــام
واضــح مــعك حــرف شــعري لو تبي تسبره

كــافــح ونــاضــل وحـــاول تـــرتقي لــلأمام
دامي غمدت ..سيف حرفي في جفير اشطره!!

أحـمـــد الـمـعـمري فلك