ياصاحبي والنّاس بالضيقه اشباه
مافيه نفس الا الحياة احزنتها
اضحك معي لو هو على غير مشهاه
لو نفسك ظروف الزمان طحنتها
اخاف .. لا بانت عليك المعاناه
اهل الشماته وش يردّ السنتها ؟
دام الجبال الشم تثبت .. مباهاه
وان هبّت رياح الزمن ما اوهنتها
مالك عذر لا صرت سيره على افواه
تدوّر الفرصة .. ولا .. عيّنتها !!
دنياك .. عادتها .. قليلة مْداراه
مثل الهبيل .. اضحك لها ان طيّنتها
ان جت على كيفك قل الحمدلله
وان كان عيّت لا تجي بِـ لْعنتها !!
فوق البيعة :
أبطيت وأشغلت بمواعيدك .. البال
لين التَّعب .. مخلابه بصـدري أدْمَـى
إلى متى ياحلم نـبقـى بـ هالحال؟
-أظمى..
-وتوعدني..
-واصدّقك..
-وأظمى!!
بديت اخاف انك وَهَم .. وانّ الآمال
وَعْد السَّرااب اللي قتل ظامي الما!!
انا خطاي اللي قلب كل الأحوال :
اني معاك مفتّح .. وقلبي أعمى!!