السلام عليكم ورحمة الله وبركاته، أتمنى أن يكون الجميع هنا بخير وأحسن حال:
إلى متى ياراعي اللوم .. قلي
تراك ماتسديني إن لمت معروف
متى تعرف إن الغرام / التجلي
وإن الحياة العشق لو قالوا حتوف
يكفيك تشعل بالعتب نار غلي
وتزيد في قلبي على سيوفه سيوف
ساويت عزي بالمحبة وذلي
مالي سوى الوقفة على بابه شفوف
هذاك لو يجرح جروحه تسلي
وإن ما اعتذر عنها تعذر له الجوف
يبقى .. كثر ما زادني بـ التغلي
غالي وشوفه "أمن" وغيابه "الخوف"
صمته ذهب وإذا شفاهه / حكنّ لي
قلت الغبي من يحسب الفضة حروف
ياما دعاني بعضه .. وجيت كلي
لا معتذر دونه ولا شاكي ظروف
ما آشحَ بالخطوة على / درب خلي
لو إنه بشوك الغرابيل .. محفوف
اللي عليه إنه يرحِّب وانا اللي
عليّ، شكر الله على نعمة الشوف!
آخر المشاركات
02-11-2023, 04:46 AM
الى متى ياراعي اللوم.. قلي!
العرض الشجري