لله دري يوم صرت اكتب قصيد
اكتب على شان القلوب الجايعه
سبايك الشعر الذهب فيها سديد
غير الذهب سعره يزيده بايعه
الشعر محميه لها قانون صيد
لا تكسر القانون باخطا شايعه
المستمع لا صوّت وطلبك عيد
هذا دليل ان القصيده رايعه
وانا طلبتك يا القصايد من جديد
تعالي بكل اريحيه طايعه
بين المحاني كنّها فركة حديد
يشب قلبي والمشاعر فايعه
يتك صدري لاذكرت انك بعيد
اصمت وعيني بالخوافي ذايعه
حزة مغيب الشمس للتكه تزيد
احساسي انك صرت فرصه ضايعه
العيد راح وراح بعد العيد عيد
وانا على شوفتك كبدي مايعه
الناس تحسبني على الهقوه سعيد
وانا السعد من عام الاول بايعه
لا تشتكي شكواك للعالم تكيد
واحذر تسولف عند ناسٍ صايعه
كلن يبي والله يفعل ما يريد
والله يقنع كل نفسن جايعه
آخر المشاركات
03-22-2021, 08:38 AM
أكتب قصيد
العرض الشجري