شادي الصوت
ياشادي الصوت.. هذا الليل..يفجعني
شكل بصوتك.. سماء ليلي ووجداني
رجعني ...للحب. والاحلام.....رجعني
ذكرني.. باللي مضا..من سالف ازماني
ودي بساعةفرح وان قلت وش يعني
يعني كذا..جيت انا.هارب من احزاني
تسعة.. ..عشر..عام..والايام..تدفعني
لعالم"..مااعرف.. الوافي.. من.الجاني
احباب.. واجد.تبي..وصلي.وتقطعني
يا كثر ...ما تاخذ..احبابي...وتنساني
اجوع.. ماالحب..والاحباب..تشبعني
بذلت ماشفت..من يبذل.على..شاني
كلي تبعثر...تعب.منه. اللي.يجمعني
يلم شملي قبل ما ارحل..ولا..القاني
يزرع بقلبي.أمل وان غبت..يزرعني
إنسان مخلص معي بالحب. متفاني
الليله اشياء كثيره..صدق..توجعني
الحب...والشعر...وذنوبي.وحرماني
من وين مارحت قام.الشعر. يتبعني
ادمى جروحي وعند الناس..عراني
صحيح وافي معي والغير.يخدعني
من قبل ما كتبه يكتبني...ويقراني
الشعرطفل..(ن)يداعبني.. ويمنعني
احيان يضحك معي وامرار.. بكاني
ياشادي الصوت قوم بالله...متعني
رجعني للحب ..واحلامي..وخلاني
محمد الثوعي