أحيان

[عبدالعزيز الرميحي]

ماجيت اضيّق صدور الضيّقين الصدور
لو اقدر ادفن دفنت الحقد بصدورها
أحيان احس اني الثابت وغيري يدور
وأحيان احس اني اكثر واحد يدورها
القلب ماهو مثل ماكان مرهف شعور
تمره الذاكره ماحسّ بشعورها
متبلِد احساس والاّ مل ذاك الصبور ؟
ماعاد تغري شبابيكه ولا طيورها
يمكن لأن الحياه أكثر عطا للقبور
شفّ كمّ مره تزف امال لـ قبورها !
اما اجي صح وأجمّل غياب وحضور
والا ابتعد واترك اللي تنتظر دورها
عادي لو اني مثل من عاش من غير دور
تزهر على الساقيه الحان عصفورها
لكن وهي حاجةٍ تكبر ودم ٍيفور
بالهقوه اللي تطول وتطْول شبورها
لملمت حلم السنين وجيت بين السطور
اكتب واصور وابطل صمت وآثورها
وامد يدّي وانا مالي من الليل نور
الا عيون السهر وشعاع من نورها