كفوف الغدر

[أحلام مؤجلة]

كذا تطعني بـ هجرك ... تبي اقول لك مسموح
كذا تجرحنـي وتبعد .... ولاكنّـي من احبابـك

دريت إنه سهم غدرك طعن قلبي وأنا المجروح
دريت إنـي وصلت لحدِّ ... موتي سبّة غيابـك

غريبة تبتسـم عادي !! ويدك بالوداع تلوووح
وانا اللي كنـت لك أقرب من عيونك لـِ أهدابـك

تبي أبكـي وأنادي لك دخيلك ياالغلا لاترووح
وأجيـك اتأسـف ، واركض وراك وأمسـك ثيابـك
.
ماعادت غيبتك تجرح ولا حضورك يرد الرووح
تساوت عندي الدنيا .... ولابي حيل اشقا بـك

أنا ماجيـت لك نادم على الماضي وآعد جرووح
مضى ذاك الزمااان اللي أجيـك وأوقف بـ بابـك

أنا نـااادم على حـبٍ بنيته ثم رفعـت صـروووح
غلاك بـ داخلي لكن .. بلحظة طـااااح بأسبابك

خلاص اللي انكتب بالغيب جانا والفراق يلوح
عسا الله يجبر مصابي ... ويرفع عنْك ماصابك

خلاص اللي بغيته صار ماينفع حكي أو نوح
"كفوف الغدر" ماخلت ... مكان لعذر لو جابك

أحلام مؤجلة



للإستماع 👇


https://youtu.be/UQKpv9aFq1A