تسير الظروف الهايجة مثل موج اليم
وتتلاطم أنفاس العنا في زفير اهموم
منو يا حياتي ما شكى من أليم الهم
مدام السما قلبي أكيد الهموم انجوم
ومتشائم ن وجدي يعم الكدر والغم
ويهيج اكتئابي لين ما اقدر عليه آعوم
ألا في وسط صدري حزين ن دموعه دم
ولا يعلم بحزنه سوى الواحد القيوم
أخط الشعر وآنا لكل شي مو مهتم
مدام ان قلبي من سعد دنيته محروم
ألا يا الشعور الضايق الحاصر الملتم
حوالين رقبة نابض ن بيغدي معدوم
ألا يا الشهيق العاجز اليائس المعدم
كأن الأسى غصنك...كأن البلاوي بوم
ركب خافقي لكزس مكادير ن املغم
دعس بالتفاؤل لين رد بشقا مدعوم
اذا رحت من جوف المعاسير أتكلم
نطق صخر حظي لا عجز ينطق المكتوم
اذا العالم اتعتم واذا العدل به أظلم
تعيش الظليمة و تندثر قسمة المظلوم
واذا جيت اتهرب من الوقت اتلثم
لكن تكشف إلثام الصبر قوة المقسوم
أشوف الحياه صعبة انا جدا أتألم!
رضيع المشاعر ليت من ضيقته مفطوم!
حدث مثل هذا اليوم ...وأشرح و هل تعلم؟
أحل أسئلة ضيقي إذا الحل مو معلوم!
ألا يا طوى قلبي خلعت ونعالي فم
تكلمت مع حزني مثل موسى المكلوم !
طويل الشعر لما نظمته بكاني كم !
كأن الخرز جمر بخيوط الكمد منظوم!
سكوت البشر حولي يظن خافقي أبكم!
على كثر ما اتودي الصروف وتجيب اعلوم!
ولامن تفوه ليل حزني وحكى لي سم
تسممت من سمه وغدى خاطري مسموم
أبي أحبس اوجودي أبي يا العنا أنطم!
لكن طبع الاحزان الفضولي يبوح الشؤم
انا الكاسر المكسور ياما خشيره خم
رباد الصعاب اللي اهربت من ظلال الحوم!
أنا الحزن واليأس و عظيم الأسى ماتم
جزء من كيان الروح إلا وفيه إسهوم!
أنا شاعر ن لامن كتب حرف ما يندم
لو ان كان مكسور ن ومفتوح ن و مضموم!
شرحت العنا للوقت والوقت ما يفهم
فهم ولا ما يفهم مهو بالفهم ملزوم
حفر عمري الضايع قسا وقت ما يرحم
دفن فالي الحي و ردم والتراب اغموم
اذا حظي الأقشر إلى النايبات انضم !
أنا استسلم لعمري ...واقول القدر محتوم!
آخر المشاركات
05-08-2018, 07:20 AM
زفير اهموم!
العرض الشجري