نيوف الظلّ

[سالم العامري]

على اول غروب الشمس مالت نيوف الظل
قطيع الظبا .. مهلا .. على وِرد مرويها

شرابٍ يحفّ الخوف حيضانها .. والكلّ
رعايا الذوات اصلوف عن زبن راعيها

جهدني التعب في راس ريعٍ عليها اطلّ
عناي .. ترى طرادها .. من مضاويها

تفلّ الطريق ... وكنها الريح ماله حلّ
تثنىّ .. قوائمها ... وترمي .. ذراعيها

واشوف الشجر قدامها منحني معتلّ
تخاله . من الريبة . سجودٍ . يراعيها

توارت خشايا . وادهم الليل وحشة خلّ
ذكرته ورى فزع الظباء في تماديها

غدى بي خيالي من مسجّ البعيد اشلّ
ثقيلات عبرهـ ... وأتحاشى دواعيها

ملاذ القصيدة . يا عطا غيمها . لو هلّ
نضاح الجنائن وشل يطــني مضا ميها

عفى الله عني لو نثرت السحابة كحل
من اهداب عينك. سامحيني . وهليها

اشوف الطريق اللي قطعناهـ ما له وصلّ
يخطّ القدر مكتوبها .. وانت .. ممضيها

تحياتي لكم ,,,
سالم العامري