صباح الخير احبتي في ابعاد أدبية بعد فترة من الانقطاع؛واهدي قلوبكم اخر ماكتبته "ريم" :
قالوا يبي يلحق عبيد الزمن ظيم
وصدقت؛ لكن كذب العلم شوفي
طيعي زمنك؛ وقبل تعصين ياريم
قدامك اللي ناطح الوقت شوفي
الحال رثّه؛ والبلا بالهوى سيم
وانا فقير ورأس مالي حروفي
ومِن عيشة الظالم لموت المظاليم
ثنتين؛ مافيهن مناسب وصوفي
ياريم حارت بالزمان .. المفاهيم
وازداد من جور المقابيل خوفي
وش عذري ليا ضقتي وبلل الديم
خدٍ بياضه مثل صادق حلوفي؟
واجهت وقتي والثمن حزنٍ* مقيم
حرّم على الافراح تصبح ضيوفي
ياريم* .. تمنعني خطاويّ لاهيم
ثقيلَه؛ .. ودمعي مثقلّ كفوفي
ظامي وشَحّ بصيّب الموعد الغيم
وموت الأماني؛ سلّم الياس جوفي
خليني اجهز.. لموتي مراسيم
غديني اكسر فيه خاطر ظروفي
وصلّي على مايمّم الوقت ياريم
وبكعبته من شدة الضعف طوفي
حسام المجلاد
آخر المشاركات
12-07-2017, 02:43 AM
ريم
العرض الشجري