عساااه يحنّ

[خالد الحافي]

[poem=font="mudir mt,5,darkblue,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""]
انا البارحه ما بين ليت وعساه يحن=وانا فاقده ياليل وشلون قدامي
اشوفه بعد شح العطاء والبخل والمن=شديد الطعون اللي حدت مارد الضامي
ما بين العقل والتسليه لو نشده من=عسا خير يا نايم سعيده يالاحلامي
وانا لو بقالي شي معهن ليا وردن=تحيزمت دون الحق والعشق بحزامي
واخذته ولا فكرت حقي مثل ماجن=هواجيس قلبن ميسم البعد له حامي
يفوع الخفوق اليا اقبل الليل ثم دكن=ويصفق ما بين ضلوعي القلب ويزامي
يالولا الضلوع العوج ياهيه مدري هن=ترى القلب طيرً فالقفص ما بعد حامي
حدود السجين اليا طراله غرامه ون=وانا ونتي من عشقك اجبار والزامي
ترفق وكب البعد وأسال علي وعن=تفاصيل نشرة سنين الروح كم عامي
مضنّه وهو يطرد سرابك ويمضيهنّ=طموحه زلالك لو يطولن الايامي
وانا بين ليت وعلّ والا عساه يحنّ=واشوفه بعد ما غاب ياليل قدامي
[/poem]