تدري ويش أقسى شي.!!

[أحمد بن عميره]

السلام عليكم
مساء الخير وصباح الخير
بعد الغياب ..
علها تشفع..!

البارحه مابين ضيقه وإكتئاب

تعزفبها الفرقا على عوج الصدر


أصك باب وينفتح عشرين باب

هذي مقاسيم الليالي والقدر


ياروح روح الشاعر اللي منك شاب

كل القصايد في جنابك تفتخر


لاجيت أبكتب عن غيابك والعذاب

أخاف أسبك وتراجع وأستخر


أكذب على نفسي وقول الجرح طاب

ضاعت سنيني بين حرمان وسهر


سؤال ياخلي وأبي منك الجواب

الجرح ينزف والمشاعر تحتضر


متى على الله نلتقي بعد الغياب

وتنبت رياض القلب من عقب الدهر


تعبت من طرد ألأماني والسراب

ونا على رجوى يجيب الله مطر


تدري ويش أقسى شي وأشد العذاب!!

يطعن وفاك بخنجرينٍ من غدر

أحمد بن عميره