"فجرٍ نعس بالوريد ونام بهدومه" *

[باتل عبدالعزيز]

لك ماطلبت قصائد من خارج " الديوان " !


كريم يابارق يبرق علـى الحـره
عيني تخيله وانا طرقي ووحداني

خلته وعيني تلم الشـوف وتثـره
مرات ظلما ومرات احمر قانـي

برق رفيفـه يقـد الليـل ويقـره
من السما للثرى لين السماء ثانـي

برق خذَ قلبي الساهي على غـره
جعله على دار حيانـي وجدانـي

وأنا لربعي ليا باح لمـدى سـره
لاقلت ربعي يجيك العلم من داني


ربع لهم في مداهيـل السما جـر
ياطيبهم للخوي والجار والعانـي

والمدح يظفي قميص العز ويزره
ماهو قصور بخلق الله ونقصانـي

واللاش ظنه عويذالله مـن شـره
أن كان وده على مـاود يحدانـي

اشوم عن مجلس الحقران والهذره
ابوي مبطي عن الهذرات وصاني

والوقت مايامن الرجال من غدره
والراس ماينحني كان الله أحياني