[ بَحث أشتباه ] ..... ألى نومان سحل

[ناجي الطرقي]

الى الراقي / نومان سحل
كما جاء هُنا

http://ab33ad.com/vb/showthread.php?t=14089

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من منطلق كل ميت يهرجون بقفاه = ماخلو من الفقيد الا رفاة الفقيد
حلت عليه الصلاة ولا سمعنا صلاه = كبرت غايب عليه وكبروا فرض عيد
قبل أمس تضرب على الميت بحوش الصفاه = واليوم رحت ورجعت بكل شئً جديد
المختفي علم / والعقّال تبحث خفاه = والمنتهي فلم / والتاريخ نفسه يعيد
واللي حصل ظلم / وعيون العرب ماتراه = واللي وصل درس / ياجعل العرب ماتفيد
يامرحبا يوم جيت بشعرك وما حواه = مايختفي عن عقول مفسرين القصيد
الشعر مثل البحر / والغوص بحث اشتباه = اما تصيد الهدف / ولا تحاول تصيد
والأمر يرجع لفكر الشاعر وما بغاه = أما يدس الهدف / ولا عطاك المُفيد
واللي تمحص فكر / لايفقد الأنتباه = ولا يفسر كلام الخلق فيما يريد
أما تكون الأدله تدعم اللي لقاه = ولا يوفر على نفسه ويبقا بعيد
والشعر لو جاك لابس بشت / ولا عباه = مادام يحمل [ جواهر ] وأنتمائه فريد
ماله علاقه بجنس الشاعر / وأنتماه = ينبيك ماتكتب [ الخنساء ] ويكتب [ لبيد ]
[ ولادة ] اللي وهبها الله شعر وحياه = بالأندلس حيث [ ابن زيدون ] و [ ابنُ شهيد ]
[ الخرنق أبنة بدر هفان مالك ] حذاه = [ طرفه بن العبد ] أخوها لأمها / والأكيد
أنك [ يانومان ] شاعر من فحول الدهاه = عساك سالم وانا سالم وعمرك مديد
النصف الآخر كْمل والبدر كَمّل ضياه = والباب لو كان هو مفتوح / يبقا حديد[/poem]

.

.

.

.


الى الأنقياء هُنا

عذراً للغياب

.

.

[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لي عقل ماهو للتفاهه يواطنّ = وبي نفس لاضاق الخفوق / اتمردّ
كنت أتشاطنّ / والحظوظ تشاطنّ = لين أنتضمنا مع صفوف / المقردّ
عشتك بلآط / ومت منك بلا / طنّ = بآرد بلاطك / لو معي طنّ / بردّ
عشت أتعلم كيف / سلم التوآطنّ = في مجتمع فيه / القوي / والمشردّ
قضت يديهم كل ماقلت / خاطنّ = نبقى على وجه الزمان / المسردّ
لو يبتسم لك وجه / والحقد / بآطنّ = يوم الشدايد صد عنك / ولا ردّ
يمر فيك العمر / ماكنت فآطنّ = وأنت تحسب طيرك / من السعد غردّ
كنت أعتبر نفسي [ مجرد مواطنّ ] = لين اكتشفت أني [ مواطن مجردّ ][/POEM]