تعالي يامصر عمري ظمـاك النيـل

[عبدالله سماح المجلاد]

قبل أن أحزم حقائب السفر متجهاً إلى الأردن الشقيق أهديكم هذه المتواضعه وأهداء بصفه خاصه لرباعي النجاح في أبعاد حسب وجهة نظري الشخصيه
سعد سيف/ قايد الحربي/ خالد صالح الحربي /والقديره الريم)ويشهد الله أنني سأفتقد أبعادرغم قصر وجودي بينكم إلاّ أنكم سكنتم في القلب لنبلكم وطيب معشركم وكبير دعمكم وإنصافكم لشاعرٍ شمالي جائكم من البعيد فكنتم خير أهلٍ له
[POEM="font="Simplified Arabic,5,white,normal,normal" bkcolor="indigo" bkimage="" border="none,7,gray" type=2 line=0 align=center use=ex num="0,black""]حبيبي مابقى بالوضع (قال وقيل)=حَرَقْت اعصابي الله يحرق(؟؟؟؟)
ظروف الوقت وغيابك تهـدّ الحيـل=ياليت اللي دهانـي بالغـلا صابـك
وعلى درب الليالي بين عـدل وميـل=تِسَاهَلْت الفـراق وسـارت ارْكَابِـكْ
وطفح بالصبر من طول الغياب الكيل=وتَعَبْ كَفْ الرجا يطرق على بابـك
يابنـت النور،ياتُحْفَه،يامُهْرَةخـيـل=(قَدَرْعُمْري)أعيشك حـب واشقابـك
يَامَضْمَون الجمال اللي بَـلاَ تجميـل=لسان الشعر يعـذر لـو تغنـى بـك
ياقهوة مدمنٍ من غير(بُـنْ وهيـل)=ملا الفنجـال من(تَوْتِـكْ وعنّابـك)
حبيبي شف دموعي تُدْمِـي المنديـل=تعاتب وقتي اللي خَذْك وابطـى بـك
حبيبي والصدر وادي وحبّـك سيـل=وغرامك فاطرٍ قلبـي مـن غيابـك
حبيبي وانت لو كنت ابعطاك ابخيـل=يعيب البخل غيرك وانت مـاعابـك
متى ترجع وتمحي(هالحزن وتزيـل)=كأبة ليلـي اللـي لاَحَضَـرْ جَابَـكْ
وتسولف بك سهر ويضيق صدر الليل=من عيونٍ هَجَرْهاالنوم باسباك
وانا اشوفك تَحَتْ ثوب الجدي وسهيل=واموتك في خيال الشـوق واحيابـك
ونسيم اليل مثل اعذوبة الترتيل=يقدم لي بَعَضْ عطر ٍمـن اثيابـك
وانا بين الأمل والياس حـط وشيـل=(سرور،وحزن)متداخل ومتشابك
يِلَوّعني هواك وذقت مِنْه الويـل=وكسر سيف الزمن في خاطر احبابك
تعالي يامصر عمري ظمـاك النيـل=وِنِيْلِـكْ قلبـي اللـي مَاتَهَنّـى بـك
أنا فصلت لك ثـوب الغـلا تفصيـل=من احساس ٍ يشابـه رقّـة اهدابـك
وَاذا مَاتَرْتَدِيْنـه يَاغَـلاْ هَالْجـيـل=يِكَفّيْنِـي يزيّـن صـدر دولابــك [/POEM]
عبدالله بن سماح المجلاد