.. رااااااح .. تـخـســـرنــي .. !!

[ضحوي الأسلمي]

رحْ والمشاريه .. فيني ..آآآه مااكثرها
....................وأنا أدري إنك وربي ..راح تخسرني


روحي من البعد ما والله ..تقهرها
...........................ولاعاش منهو يبي بالبعد يقهرني


حاولت أروّض على نفسي وأصبرها
........................واقول يمكن على صبري بيشكرني !!


لين المشاعر .. لمحتك .. ماتقدرها
...........................والحب طاح ..وتبعثر .. لين بعثرني


محبتك تعتبر ..عادي لو أخسرها
................................مدام عزي لدرب الهجر سيرّني


مافيه داعي .. ليالينا .. تذكرّها
.............................مدام مات الغلا .. لاعاد .. تذكرني


كم ليلة ٍ .. جيتّي لك ..كنت تنطرها
.............................وأجيك من لهفتي ماابيك تنطرني!!


وكم ليلة ٍ ..بالقصايد ..كنت ساهرها
.............................كن الشعر وقتها يقول ..مااكثرني


الصحبه اللي معك .. وشلون أفسرها
............................وإنت آخرتها .. تبي تنسى وتهجرني


بروح !! وإنْ مرت الذكرى ..بـ أوخرها
............................مافيه شي ٍ ..على ..ذكراك ..يجبرني


قد قلتها لك ..قبل ..والحين ..أكررها
..............................لارحت عنك ..وربي ..راح ..تخسرني






ضحوي