صوّر فطورك وعلمنا وش فطرت؟

[موزه عوض]

المشاركة الأصلية كتبت بواسطة ميــرال

مساالخيرات
سمبوسه مشويه جربوها انها تقرمش



تبوله


سبرنغ رول باالجبنه


بيتزا


وش رايكم عاد كله صنع ايديه وحياة عينيه
صحه

نسيت العكرونه المحشيه

واااو ميرال
ما شاءالله فطور شهي عساه هني وعافية عليكم

مبروك عليج الشهر الغالية

 

[موزه عوض]

المشاركة الأصلية كتبت بواسطة حياه

..

سويت العصير وحطيت الكيك بالصحون



ماياخذ وقت اللي تبي الطريقه اعلمها <؟

..

تسلم يدك الغالية
هني وعافية وصياما مقبولا
بالنسبة لي أحاول اقلل من الحلويات برمضان ما فينا على السمنه فديتج

 

[موزه عوض]

المشاركة الأصلية كتبت بواسطة سمية عبد الله

كبة سحور أمس (:

عن قرب

سموي . ..عاد الكبة شي
يالله هاتي الطريقة
صراحه اشتريها جاهزة بس ودي اسويها بيدي لأني اشوف هذه غير
اترياج
وصياما مقبولا وهني وعافية عليج وعلى الأسرة الكريمة

 

[موزه عوض]

فطورنا اليوم

كالعادة

الثريد واليوم بالدجاج



الهريسة




وسويت رز صيني بالروبيان والدياي




وسويت بعد حشوة الصمون الصغير
الأولى حشوة فول مع خس
والثانيه حمست نقانق مع الفليفلة وبهارات ومن غير زوجي حاب يتفنن اليوم ولأن يحب الفلفل قام وعمل باكورة بالفلفل الحار يعني خلطه طحين العدس
اللى تشوفونه فوق الصمون
خليناه حقه ما فينا على التعب المعوي هههههه







على فكرة الصمون يعني السندويتش <<للى ما يعرف


وما نسينا سوينا اليوم الحلى او الحلوى وهي السنافر





والحمدالله على النعمة

 

[ميــرال]

مجدولينا موزه سميه حياه
كل عام وانتن بخير يارب وشكرا شكرا
والجميع طبعا صحتين وعافيه

 

[سمية عبد الله]

يمي يا موزة باكورة الفلفل عجبتني والتشاينيز رايس بعد



بحطي الطريقة خل ارتاح بس ^^

 

[إبراهيم بن نزّال]

المشاركة الأصلية كتبت بواسطة سعيد موسى

ماشاء الله عليكم .... أول مره أشوف عزابيه منظمين
عفيه عليكم : )

حياك الله أخوي سعيد , وتشرفنا في محلنا يابعدي
وبالنسبة للعزابية باقي مهارات بعد ماتدري عنها .

المشاركة الأصلية كتبت بواسطة حياه

ماشاء الله ماشاء الله
انت مسوي كل هذا انت واخوك؟ ماشاء الله طباخين
ترى معروف إنه صحيح المرأة تطبخ وأكثر من يدخل المطابخ بس الرجل هو ياخذ الصداره في انحاء العالم
مستوى الطباخ أكثر نسبة من الطباخات ..
صحه وهنااا إبراهيم وعلي شغلكم يفتح النفس..

حياة
حياكِ الله , وشكرآ لكِ

المشاركة الأصلية كتبت بواسطة موزه عوض

يعني ابراهيم هذا فطور عزابية مب مصدقة ؟
احس بتصير بيوم شيف ادميرال ههههه
لا ما شاءالله سكتنا وكله ولا التبوله عاااد شي والله

بالعافية عليك وعلى اخوك
ويالله بنتريا عمايل اخوك علي قصدي طبيخه هههههه

حي الله أختي : موزة عوض ( ونة ألم ) ,
وش رأيك بالفطور . ومثل مايقولون الفنون جنون
الله يعافيكِ .

المشاركة الأصلية كتبت بواسطة غنى طارق

هههه عزوبية و بهيك مهارة
ما شاء الله .. بس شكل التبولة يغري ..
بالعافية على قلبكم اخي و رمضان كريم

غنى طارق
حياكِ الله , والمهارة دايم تلاقيها عند العزابية ( المؤدبين )
والتبولة هذه حكايتها حكاية ,
الله يعافيكِ , وشهر مبارك أختي .

 

[غنى طارق]

المشاركة الأصلية كتبت بواسطة مجدولينا

لقميات توي مسويتها اليوم ..
.
.



.
.

آآآه يا مجدولينا ليتك جارتنا
منظر اللقيمات متعبه آآآآوف
بجد عاشت ايديكي