لا تاخذك رحمة بــ قلبي.....!

[وليد بن مسعد]

عطيت الايام صبر وعمر واحلام
واللي كسبته جروح ودمعه وهم..

ما احتاج ضحكه تخبّي خلفها الالام
العفو يا ضحكتي وارجوك يا فم....

الليل هذا كما العاده ممل وشحوح
واحلامي الهاجره في صدها كابرت

تدرين من كان ليلتها معي يالجرووح
دمعه جبرها زماني للبكا واعبرت

وين ابتعد من مقادير الحزن وين اروح
وانا حياتي لتقليب المواجع ضرت

الدمع يقسى وجرح ايامي السود بوح
والضحكه اللي تداعبها شفاتي اندرت

يا حضرة الوقت لا تثقل علي وتنوح
عيني جفاها المنام بسبتك وسهرت


يا حظي المنكسر هذا جسد دون رووح
اضرب بخمسك ترى الايام ما قصرت

لا تاخذك رحمه بقلبي وهدْ الطموح
ترى الجروح القديمه يا بخت ما برت

يا حزن كيف ابعدك لحظة تعبت الخضووع
يلعــنك جــرحن تركته فالحــنايـا ندي.....

ياليتها يا جناب الحزن هم ودموع...
كان استحى الصبر من همي و طابت يدي..

ليه...! ابتسم للاحد ولا اعيش الربوع..!
انا قست بي همومي من بدا مولدي...؟؟

 

[فهد الغبين]

الله عليك


مبدع يا وليد صح كلك


دمت بود

 

[ظافر الهرمسي الهاجري]

وليد

صح قلبك

لا هنت على الوافية والجزالة ذي

تحياتي لك

 

[أمجد الناصر]

وين ابتعد من مقادير الحزن وين اروح
وانا حياتي لتقليب المواجع ضرت

لله درك يابن مسعد