دنيا كفانا الله شرها

[عبدالله ميزان]

السلاااااااااااااااااااااااااام عليكم ورحمة الله وبركاته




صبحكم الله باالخير


والعذر لله ثم لكم عن الغياب

اللي ماهو بودي لكن الضروف اقوى من اهلها




اليكم المتواضعه عسى تنال اعجابكم








[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]لاتضحك الاّ بصايـم ولاّ بمصلـي = بعض الأوادم ترى ماينضحك فيهـا
به ناس في تالي الأوقـات ياهايـف = كـل العلـوم الحميـده ماتدانيـهـا
مبرة الوالديـن الله يعـوض ابهـا = وخمس الصلوات نادر من يصليهـا
اوصل القرابه وحق الجار منسيهـة = ويامغدي ضيوف وينـك يامعشيهـا
والخوّه اللي سواة نويشي الحربـي = خوّة هل المرجله ياويـن شاريهـا
واهل الصـدور الشماليـه فقدناهـم = اللي ماكن زلة الأصحـاب توحيهـا
وكثرو صغارٍ تحسب المرجله سهله = اطيبهم اللـي زقايرهـا ماتطفيهـا
نطل العجم باالزقايـر بدلـو حالـه = وياوين روسٍ مـن الدلـه اداويهـا
وشيّابنا اللي منـوّل لالفـت تحشـم = اليوم قامت تنـزّح عـن مراكيهـا
والقلب الأبيض وراع النيه الزينـه = واللي رجوله عن الـزلات حاميهـا
من قال تبشربه وله عنـدي بشـاره = يـاالله ياربـي تـزيـن تواليـهـا
والنّمه اللي منـول مالهـا طـاري = رح دوّر المجلس اللـي مايطريهـا
واللي عطاه الولي واكثر له اموالـه = تلقـاه مفتـون فيـهـا مايزكيـهـا
وان جاه مديـون والدنيـا ملوعتـه = تقصر يدينه عن المـده مايعطيهـا
الناس في غفلـةٍ ماهـي بمحمـوده = آدم وحـواء كثيـراتٍ معاصيـهـا
وان جبت طاري البنات الصالح قليّل = والصالحه جعل رب الكون يحميهـا
مير البلا من تخلّت عـن كرامتهـا = شفنا وشبنـا مـن افعـالٍ تسويهـا
متبرجه والملابس كاسـيٍ عـاري = والسوق لاطبته تقصـر خطاويهـا
والعطر ريحه يفـوح وكـلٍ يشمّـه = وارواح بعض الأوادم خوف تنهيها
ياالله ياللـي لجـل نعبـدك خالقنـا = طالبك درب الصواب الناس تهديهـا
ومن تاب من زلته تغفر لـه ذنوبه = واهل الشريعه من النيـران تنجيهـا
وتغيث كل الديـر وتسيّـل الـوادي = والعشـب مافيـه دارٍ مايغطيـهـا [/POEM].










وسلااااااااااااااااااااااااااااااااامتكم











.

 

[طلال محمد]

عبدالله ميزان

شكراً على هذه النصيحة / القصيدة

 

[عبدالعزيز رشيد]

الكريم\عبدالله ميزان
ألف شكر وتحيّة لنصيحتك
ولـ شعرك الذي التقط صورة للماضي ملوّنة بالشعر
تحيّاتي لك

 

[سامي العمر]

هنا عطر النصح المعهود من الماضي بكامل أصالته
وبكلّ تمكّن دون تزييف
تحيّاتي لك أخي الكريم

 

[ريم علي]

عبدالله
صح لسانك

وفعلا كنا بحاجه لمثل هذا الغرض من الشعر

شكرا لك كثيرا

 

[نسرين الأحمد]

كلمات ولااحلى
عبدالله
صح لسانك
ع هالروعه

تقبل احترامي