........... ( منــــــوة الــــروح ) ........... عبدالله الصقــــري

عبدالله الصقري · 12-30-2007, 10:19 PM

منـــوه الــــروح

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]فرقى الخليــل اللي تولــع بخلــه=وضو القمر ساطع علينا انحداري
فكـــري تلاعبـّه خليلي بحـــله=ملبوس من زخ المياه البكاري
اجهّز اللي صافــط ٍ بالمظله=من وارد اليابان جزل المهاري
أمشــي كما التــــايه مضيع هللــه=مامن مكان بخاطري بالصحاري
معي ثــلاث من الشغــــاميم فله=ارداهـم اللي قـــــايد ٍ للضواري
ننزل بمــنزال محد واصل له=ربيعــــها يكسي التلاع السواري
ونشـــب نار ٍ للمباهير خلــــه=ونركي عليها ممسكات الظفاري
وخله تَحـَامى لين ماهــا تــزله=ثم ركده حتى تخمـــد الفواري
ثم سلها ياخوك من فـــوق دله=على مقاطيف السنه بالبراري
واردف يمينك وازعجه بصبتله=خله يذوق الكيف بن الهراري
ترى الولع ياخوك محد فطن له=الكـل شـَـاغِل مشغلته الطواري
نصنع خطوط ٍ بالبراري محــله=ما يسلكه غير الجيوب الحراري
نطرد ورى الكدري لمورد يدله=ونصـيد منه اللي يجــينا طياري
حــتى تشوف الشمس نوره تسله=يم الغروب شويش والجو عاري
ننصى نــوازي شامخات ٍ مطــله=شرقي من المظهور ذيك المحاري
نسناسها بالليـــل محد ٍ يمله=لاجا هبوبه مزمّر ٍ للبواري
هذي مناه الروح وهي راحة له=يالله عسى ربي يجيب الخباري[/POEM]

::
::
::

لكم أرق التحايا وأعذبها

::
::
::

ابوعهـــــد

عبدالعزيز رشيد · 12-31-2007, 11:03 AM

أخذت بنا اليك بكامل انتباهنا وتركيزنا وتمعّننا
كان السرد جميلاً وكانت الصور الواقعيّة وذات المواقف اللحظيّة والمصوّرة بجانب الشعور جميلة للغاية
رحلة شعر تسكب راحة البال على الصدور
فليحيا هكذا شعر
تحيّاتي لك

عبدالله الصقري · 01-04-2008, 09:56 PM

اقتباس:

المشاركة الأصلية كتبت بواسطة عبدالعزيز رشيد

أخذت بنا اليك بكامل انتباهنا وتركيزنا وتمعّننا
كان السرد جميلاً وكانت الصور الواقعيّة وذات المواقف اللحظيّة والمصوّرة بجانب الشعور جميلة للغاية
رحلة شعر تسكب راحة البال على الصدور
فليحيا هكذا شعر
تحيّاتي لك

عبدالعزيز رشيد

نفرح بقدوم من مثلك يشرف على بنيات افكارنا
شكرا لك على الحضور الرائع

::
::
مودتي وتقديري

::
::
ابوعهــــد