وطن مهجور ...🦋

[تغريد الغامدي]

.
.
.
توادعنا انا وياه بعد اعوام وطول شهور
مضت احلى ليالينا سحاب وجفت امطاره
تركت القلب في كفه امانه والحشا مقهور
وسامحته على اللي فات واللي جاي باقداره

رجيته يبتعد ينسى ويحفظ خافي المستور
يصون العهد لو طالت ليالي البعد واستاره
اجر اقدامي للفرقا لا انا خاين ولا مغدور
ولا حبه جرحني يوم ولا قد قل مقداره

انا من زود ما احبه ابيه بدنيته مسرور
يحب اللي بتصفي له وتكون لقلبه انواره
امانه ي عيون اللي احبه لو بكى مجبور
تكفي الدمع عن خده وعن جفنه وانظاره

فداه الجرح والاهة وونة خافق مكسور
رضيت الجرح من حرفه ومن عزفه واوتاره
عسى لو ضاق بي صدره وهلّ الجفن بالمنثور
تجي من تحوي احزانه تكون الضي في داره

احبه كيف ما احبه وهو للقلب ضي ونور
وعسى لا مرني طيفه يسلي الروح تذكاره
احبه وهو يستاهل غلا قلبي وطيب شعور
فداه الكون كل الكون قلب مغليه واشعاره

ترفق يوم تذكرني وعساي بخاطرك معذور
عساني ما اكون بيوم ردى حظك واكداره
على ذاك الامل عشنا وغنينا الهوى والنور
رسمنا الحلم (تحت غيمة) تظل الفن وسماره

سكنت بخافي اعماقك مثل لولو سكن ببحور
وكنت اغلى من انفاسي ملكت القلب باسواره
انا اللي لو تفارقنا ورضت هالروح بالمقدور
نذر اني اصون غلاك بتالي الوقت واختاره

نذر اني لخلي القلب من بعدك وطن مهجور
تمر اطلاله وتنشد عن اهل الدار واخباره
تواعدنا انا وياه قبل اعوام وبعض شهور
مضت احلى ليالينا سحاب وهلت امطاره

 

[عبدالله العويمر]

بلاشك يستاهل هذا الشعور

تغريد
سلّم الله حرفك

 

[تغريد الغامدي]

المشاركة الأصلية كتبت بواسطة عبدالله العويمر

بلاشك يستاهل هذا الشعور

تغريد
سلّم الله حرفك

شكرا استاذ عبد الله ..
🦋🦋🦋🦋

 

[عبدالإله المالك]

هلت أمطار الشعور وأباح خافي المستور من ارق شعور
أبيات فارهة باذخة تنم عن شاعرية عالية تحمل مشاعر راقية ورقيقة
حييت يا تغريد

 

[تغريد الغامدي]

المشاركة الأصلية كتبت بواسطة عبدالإله المالك

هلت أمطار الشعور وأباح خافي المستور من ارق شعور
أبيات فارهة باذخة تنم عن شاعرية عالية تحمل مشاعر راقية ورقيقة
حييت يا تغريد

شكرا استاذ عبد الاله ..

🦋🦋🦋🦋🦋

 

[سيرين]

كيف لأوطان العشق
ان تهجر وقد عقدت الشغف مع ارواح صدق نبضها !!
دمت غدقا شاعرتنا المبدعة تغريد الغامدي
ود وياسمين

،،

 

[سعيد الموسى]

ليس المهم في الشعر " الكمّ " ياتغريد .. بل " الكيف "
حينما قرأت النص تبادر لذهني أنه كُتِب على أنفاس متفرقة وهذا لايعيبه الا في حالة تباين ذلك ..
لازلت اقول انك شاعرة قادرة ان تقبضي على الكلمة وتطلقين الفراشات من يدكِ ..
جميلة ، ولديك ماهو أجمل حتماً ..