.......... ما حب / أصحّـيـه !!

عبدالعزيز الرميحي · 02-09-2007, 08:05 PM

[POEM="font="Traditional Arabic,5,white,bold,normal" bkcolor="gray" bkimage="" border="ridge,4,orange" type=1 line=0 align=center use=sp num="0,black""]نام جفن الغلا مااحب اصحّيه= قلت اغمض عليه الليل كلّه
لو صحيته اخاف اصحى مالاقيه = من ظمن ليلتي باكر تهلّه
ليلة البارحه ما رحت اناديه = هو / بعيني وكنّه في محلّه
يكفي الروح فرحتها بطاريه = ويكفي ازهار وقتي تحتفل له
ويكفي ان اليباس امسى مخليه= خضرةٍ من سحايبها تعلّه
ويكفي الحزن دمع العين يسقيه = لاشكى ظيم لعيوني يهله
الوفاء منه فيه / ومنّه وفيه= عنه غدرات وقته مضمحلّه
رحت باغيه شوق وجيت باغيه = ماتمله عيوني ماتمله
ما اذكر انه سلا وابدا تغليه= ما يعرف الغرور ولا يدلّه
كيف / قلبه قدر يستوطن التيه = دام قلبي حبيبي مستحلّه
شفني آخر مدى لاجيت ساريه = شفني اول مدى شمسه وظله
له سبوق الوداد وله تماديه = وله عليّه عهد ما قول للـّه
وله صدوق النثر يوماني احكيه = وله جميل القصيد ان جيت اهلّه
الظماء ما منحني شرب صافيه = والأمل يعقد الحبل ويحلّه
والسراب اوله واخر مواريه = ما سقت غيمته من هو نظر له[/POEM]