هات المشاعر

[عبدالله التميمي]

برّد على قلبي وهات المشاعر*
شاعر شعوره لايقارن بشاعر

لي هاجساً كل المفاهيم جاته*
ساحر ولانقدر نسميه ساحر

افخر بكل انسان قدّر مكاني*
تاجاً وضعته فوق راسي ماكابر

واللي يذل ومالقا من يذله*
ابشر تراني واحداً دوم حاقر

ناجح وعيبي هذا ياناس عيبي*
بعض الفشل يبسط عدوي ياناصر

دنيا دنيه ماتجيب المحبه*
البغض فيها بيننا دوم حاضر

اللي يجاري ضحكتك ببتسامه*
وان رحت عنه يطعنك بالحناجر

واللي نحبه خايناً وش نبيبه*
بدّل حياتي بالحزن والخساير

قلبي عطيته كم بعمري هويته*
عشنا على كذبه ولاشي صاير

قلبه حجر وين العشق مايجيبه*
مات العشق يومك تهل العباير

صادق وكاذب ماعرفنا شعوره*
ربي عليماً باللي وسط الضماير

ياهاجس الشعر اللذي محتويني*
يلي شعورك بين الافكار طاير

حلق وعطني زبدة الهرج كله*
اصبحت من كثر الافكار حاير








بقلمي
عبدالله التميمي

 

[عبدالإله المالك]

ساحر كلمات أنت
وشاعر يأسر بشعره
أبيات سهلة ممتنعة
عذبة ممتعة
تستحق القراءة لأكثر مرة ومرة

شكرًا لك يا عبد الله

 

[عبدالله التميمي]

المشاركة الأصلية كتبت بواسطة عبدالإله المالك

ساحر كلمات أنت
وشاعر يأسر بشعره
أبيات سهلة ممتنعة
عذبة ممتعة
تستحق القراءة لأكثر مرة ومرة

شكرًا لك يا عبد الله

صح بدنك اخوي يعطيك العافيه

 

[بلقيس الرشيدي]

أبدعت الشَعر وأمتعت المسَاء بِعطر هذِهِ الفَاخِرة .
سلمت اليمِين ياعبدالله . كُل التقدِير

 

[عبدالله التميمي]

المشاركة الأصلية كتبت بواسطة بَلْقِيسْ الْرَشِيدِي

أبدعت الشَعر وأمتعت المسَاء بِعطر هذِهِ الفَاخِرة .
سلمت اليمِين ياعبدالله . كُل التقدِير

ابدعتي بحضورك وبكلمات الراقيه يعطيك الف عافيه

 

[رشا عرابي]

وربي ماطر وعاطر
مدادك الشعر أيها الشاعر..

دمت واليراع شعرا
تحايا عطرها جوري

 

[أنور السيفي]

اللي يجاري ضحكتك ببتسامه*
وان رحت عنه يطعنك بالحناجر


الأخ الكريم عبدالله التميمي

قرأنا الجمال هذا المساء

دام عزفك

شكرا ً

تقديري

 

[نادرة عبدالحي]

كلمات مزروعة في مروج خضراء يطيب لنا المكوث فيها ....
ربي يديم البوح وصاحبه