اعرف حبيبي

[عبدالله التميمي]

اعرف حبيبي يبتسم لامن حضر
تضوي شموعي بالأمل ابطلته

طال انتظاري ياصبر ولاقصر
موعد لقانا ياصبر في فرحته

اهديك عمري يابعد كل هالعمر
تحت القدم عمري انا وش حضرته

اهديك ضحكي والفرح مهما كثر
ياناس خلي ضحكتي من ضحكته

اعشق حضورك في سمايه كالبدر
يبدا قصيدي تحت نورك همته

ألمح عيونك داخل اوطان الشعر
كنها خذت لون الغزل في ساعته

اجلس ابا كحل عيوني بالنظر
خل العشق يحكي لنا من نظرته

ارسم على ساحات قلبي هالخضر
كل الشعوراللي تحس ابنشوته*
*


........
برسل احاسيس الجمل
وانت عليم ابحالها

حبي وحبك ماكمل
قمة ولاحدن طالها

دنيا مريره والامل
ضاع الامل بهوالها

وين الصدق وين العمل
ماتت ولاحدن شالها

زاد التجاهل والجهل*
اصبح بدم اجيالها

في بالهم كل شي سهل
كلمة سهل من قالها






بقلمي
عبدالله التميمي

 

[بلقيس الرشيدي]

طلَّة الزَهر تُسقينا العِطر !
صح إحساسكْ ياعَبدالله وسلم بَنانك . بِانتظار رَوائعك دَوماً

كُل التقدِير

 

[همس الطيف]

ألمح عيونك داخل اوطان الشعر
كنها خذت لون الغزل في ساعته

ارسم على ساحات قلبي هالخضر
كل الشعوراللي تحس ابنشوته*

رُقِيُّ المَعْنَىْ هُنَا أضْفَىْ لِـ القَصِيْدَةِ بَرِيْقًا فَاتِنْ
سَلِمْتَ

 

[وليد الفالح]

صح لسانك يالتميمي

 

[عبدالإله المالك]

حياك الله
يا عبد الله

أيها الشاعر السهل الممتنع