من بعيد

[محمد فرج]

من قديمي ، تعود الذكريات على حين غِرة .

بارك الْهـا بعيـد المسلميـن الكبيـر

وارسل التهنيـات بعيـد راس السنـه

واعتذر عن خطاك اللي تظنه صغيـر
وانت روعت ريـم البـر فـي مأمنـه

يابدوي(ن) تحسب ان كل شي(ن) يصير

دامك انقى مـن الشهـد اللـي بمكمنـه

جيت تطوي حبال وصالها طـي بيـر

والرجا يلعق شفاه الظمـا .. ويطعنـه

تحسب ان البحر يمكـن يعـود غديـر

لا سبح فيه نهر الحـب واستوطنـه !

طاح ظل النخل حولك و عادك هجيـر

تعشـق المستحيـل وتكـره المسكنـه

فالك الخير يا شوق (ن) يغـذ المسيـر

الهقـاوي ركابـه والعتـاب ارسـنـه

مانت الاول ولانت بطول دربك أخيـر

غيرك البعد رامـه واسبـره واسكنـه

هذي سواة حر النفـس حـي الضميـر

يـزرع بكـل جـرح (ن) عذّبـه سوسنـه

لين يكسـي تعابيـر التجافـي عبيـر

ليـن تسمـع بتالـي ونتـه هيجـنـه

هيجني يارماح (ن) في ضلوعي تغيـر

كفري عن شعـور الذنـب والشيطنـه

لو تشوفي دموعي في عيونـي تحيـر

لا تلوميني ..اشكـي حالـي المحزنـه

البكـا مايعيـب الحُـر و الا يضـيـر

في زمـان(ن) يحسـب الميسـره ميمنـه

إعتـذاري لوافيـة المعاذيـر غـيـر

منـي الهـا مداهيـل الرضـا معلنـه

لين تاخذ قضاهـا وتستشيـر وتشيـر

لو زعلهـا يطـول شهـور و الا سنـه

بيني وبينهـا شـي (ن) بوصفـه خطيـر

أصعب من الأمـور السهلـه / الممكنـه

أكبر مـن اشتعـالات الغـرام بكثيـر

أعمق من الطعون الغضـة / المزمنـه

تاه من بعدها حرفي وضـاع المسيـر

كن مالي بعـرش حروفهـا سلطنـه ,.

 

[ميــرال]

طاح ظل النخل حولك و عادك هجيـر


ولازال هذا العتب رغم هجيرها رطب
قديمك سكر شعر
وحضورك فاخر

 

[محمد فرج]

المشاركة الأصلية كتبت بواسطة ميــرال

طاح ظل النخل حولك و عادك هجيـر


ولازال هذا العتب رغم هجيرها رطب
قديمك سكر شعر
وحضورك فاخر

مرورك العطر يا ميرال
لا عدمت.

 

[علي الحسني]

حياك الله يامحمد
وحيا الله القديم المتجدد
أتيت محملاً بالشعر الجزل

فشكراً لهذا الحضور الفاخر

دمت بألق

 

[محمد فرج]

المشاركة الأصلية كتبت بواسطة علي الحسني

حياك الله يامحمد
وحيا الله القديم المتجدد
أتيت محملاً بالشعر الجزل

فشكراً لهذا الحضور الفاخر

دمت بألق

علي الحسني
سلام على وجودك في ساحتي
سلام على ذائقتك الراقية .

 

[سعيد الموسى]

الجميل : محمد فرج .
ونحن لانملك أمام هذا الحضور إلا شكرك كثيراً .
أشكرك .

 

[محمد فرج]

المشاركة الأصلية كتبت بواسطة سعيد موسى

الجميل : محمد فرج .
ونحن لانملك أمام هذا الحضور إلا شكرك كثيراً .

أشكرك .

ولا أملك أمام بهائك إلا الوقوف احتراما
وتبجيلا
فشكرا لك سعيد موسى .

 

[شقران الزيادي]

طاح ظل النخل حولك و عادك هجيـر
............ تعشـق المستحيـل وتكـره المسكنـه

مشهد ومبدأ
وشاعر يعجبني كثيراً
محمد لك مساحة تليق بك في عقلي وذائقتي واعلم جيداً انك تستحقها واكثر
كن بخير يا صديقي فمثلك الخير اهل له

بأمانة وجدتني داخل هذا النص وجدت اشياء كثيرة تستثير ذائقتي
شكرا يا محمد شكرا تليق بك


اخوك