/ ، الناس/ ، . غـايــة ، لا لا ، تـــدرك/ ؟ . ,!

[خلف المهيلان]

[poem=font="courier new,5,blue,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black"]
الناس غايه وقالو قبل ماتدرك=تتعب لونك تبي تسعى ورى رضاها
والساعه الي بها مع مفردك ابرك=من ضجة الخلق لا لجت بضوضاها
وإذا تبي حسنتك تبقا وكسب أجرك=لانازع الموت روح العبد وافضاها
للباري من قبلها المؤمن فطن وادرك=إن العمر جمعة الايام وأقضاها
واخلص بالاعمال للي خالقه ماشرك=والعين عن سبرة الي غافل اغضاها
وماهو مشاكس ولا فضولي ولا يعرك=مشاكل ٍ زاد جدب البور رمضاها
يامسلم الموبقات وكبرها وزرك=تصلى بها يوم مالك يوصد لضاها
لاقيل هذا كتابك بالشمال أقرك=يوم الخلايق عليها تشهد عضاها
ياغراب منقار حسدك مل من نقرك=وتجلي أهل التحسس ذنب بغضاها
ثور التطفل ماتدري وش بلا بقرك=إنه تحليل الكباير والبلاء قضاها
لامال عدل الشريعه هالبشراشرك=والناس فكة مسامعها وفوضاها
ياشين يالسوس بنخيل العرب نخرك=ومراتب ٍِ بالنفاق اليوم تحضاها
يامروق الخبث يالمبلس وش بذرك=ماهتزت ولا ربت برضك ولاغضاها
الا التشتت عسى الله يقصربعمرك=لانه لو يطول زاد الفسد فوضاها
ماظل غصنك ولا فاح الندى بخضرك=مار البشرغايتـ(ن)محال ٍرضاها[/poem]

 

[ميــرال]

هذه القصبده النصيحه مؤثره وعظيمة المعنى

كعادتك ياخلف لاتكتب إلا مايستحق القراءة

مبدع دائماً

 

[مشاري بن جدلان]

الله الله عليك إبداااااااع

حبكة شاعر قصيدة لا يكتبها الا خلف

بجد راقت لي ياخلف هذا الباذخة الشعرية

صح قلبك .!!

 

[خلف المهيلان]

التسرع جعل فيه خطاء هنا

الصحيح يامورق الخبث يالمبلس وش بذرك

 

[أحمد الهايس]

والساعه الي بها مع مفردك ابرك
.............من ضجة الخلق لا لجت بضوضاها

خلف رجعت على هذا البيت بالذات رقم جمال النص ككل قريته أكثر من مرة

ياخي انت مبدع حتى وانت تخطي بالكتابه

تصدق مروق الخبث يابعد معانيها

خلف الإبداع وخلف الرقي أبحرت معاك بجمالك من خلال هذا النص

تقبل مروري

ودي وتقديري