مصافحه أولى

[عوض البشري]

اليكم هذه المصافحه الاولى واتمنى ان تحوز اعجابكم


[POEM="font="Arial,5,darkred,bold,normal" bkcolor="transparent" bkimage="./images/backgrounds/1.gif" border="groove,4,darkred" type=1 line=1 align=center use=ex num="0,black""]

شبيت نــــاري واحتضنـت المعاميــل=وجبـــت الدفاتـــر بيـن نجـرٍ ودلـــــه
فيهـا قصــــايـد بالولــــه والغرابيـل=ذكــرى عشـــيرٍ جاب لـي الـف علـه
وابطيت انا اقرا وش جرى بالتفاصيل=يــــوم ان قلبـــي حطـــه العـام خلـه
يــــوم انـه اللـــي للمحـــبـه تماثيـــل=مـــالــد عـنــه نـاظـــــر القـلــــب لله
لــو غاب عني لحظـةٍ سرمـــد الليــل=والقـــى ثــوانـي غيبتـه جمـــر ملـه
وان جاني انسى لوعتي والبهاذيـل=وانســى بأنـــه سبـة الجـــرح كلـه
كنــه طبيبٍ يقطـع بمشرطـه حيـــل=وبكفـــه الآخـــر يخـيـــط بمحـلــــه
يجرح يداوي شاهدي نجمـة سهيـل=يامـا سناهـا وســــط دمـــعٍ اهلـــه
ذيك الجروح اللي لها الخافق يشيـل=ماانسى مــن اللي جابهـا وانتمنلـه
والله لاادعــي جعلهـا لـــه تساهيـل=دنيـا حياتــــه ويــــن مـابـان ظلـــه
رح بالسلامه كان قلبــك نــوى ميـل=وكـل علـى ماقيــــل كيفــــه يــــدلـه
واترك جــروحـــك والعـزا بالمقابيـل=عــــل الزمـان يبــدل الحـــال علــه
نفســــي عزيــــزه ماتبـاع بمكاييـل=مارضـــى عليها من صنـوف المذلــه
واختم قصيدي بالنصيحـه مساديـل=تسدل على اللي خالي القلـب جلــه
لاتحــسب ان الحــب بـنٍ علـى هيــل=تحـــمس وتطبـخ وان بغيتـه تــــزلـه
انا انشهد انه لامسك بـك مـــواويـل=تشقــى بلحنهن قلبـك اللـي يشلــه [/POEM]



وسلامتكم

 

[ميــرال]

اهلاً وسهلاً بك

لنا نقاء وجودك والشعر

ولك منا جزيل الشكر
والعرفان

شكراً مطر

 

[عوض البشري]

المشاركة الأصلية كتبت بواسطة ميــرال

اهلاً وسهلاً بك

لنا نقاء وجودك والشعر

ولك منا جزيل الشكر
والعرفان

شكراً مطر

اشكرك على المرور الجميل والترحيب الراائع وهذا العشم فيكم


تقبلي خالص الود والتقدير

 

[قايـد الحربي]

عوض البشري
ـــــــــــــ
* * *


أهلاً وسهلاً بك في أبعاد
ونتشرفُ بحضورك ونورك .

 

[سلطان ربيع]

عوض البشري
أهلاً وسهلاً بك
تتشرف أبعاد أدبية بتواجدك بيننا
حضورك نور وشعر
فـ أهلاً .

 

[عوض البشري]

المشاركة الأصلية كتبت بواسطة قايـد الحربي

عوض البشري
ـــــــــــــ
* * *


أهلاً وسهلاً بك في أبعاد
ونتشرفُ بحضورك ونورك .

حياك ربي

ونورت الصفحه

وشرف لي ان اسم كأسمك يرحب بوجودي


تحياتي

وتقبل مني خالص الود والتقدير

 

[ناجي الطرقي]

عوض البشري


حظرت للترحيب بكـ

فأهلاً وسهلاً بك شاعر جميل . .

صح كلك . .

ونتشرف بوجودك .. دئماً . .

كل التحايا.

 

[عوض البشري]

المشاركة الأصلية كتبت بواسطة ناجي الطرقي

عوض البشري


حظرت للترحيب بكـ

فأهلاً وسهلاً بك شاعر جميل . .

صح كلك . .

ونتشرف بوجودك .. دئماً . .

كل التحايا.

اخوي ناجي


يشرفني مرورك الجميل والاطراء الراائع


لك مودتي وتقديري