تــصـــحــيــح بــعــــض ... المـفــاهــيـــم !!

[بدر الحنيف]

،،

أسـعـد الله ... أوقـاتـكم بـ الخـيـر والمـسـراات ..

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مدري عتب .. مدري هجا .. مدري اهبـال=صوت ٍ غفى عقلـه وبنّـج .. ضميـره
ضاقت مساحات الفضا .. والغبـا .. طـال=وجه ٍ معي قبـل أمـس كنـت أستشيـره
أقـرأ جـزء عمـا .. وآيــات الأنـفـال=وافرض نفوذي عكـس ذيـك .. الوتيـره
وأقبلت حرفي .. برق .. ورعـود وخيـال=من شفت في عجـن .. المعانـي خميـره
ازوال تتبرمـج .. علـى رغبـة .. أزوال=والمشكلـة حيـره علـى بــاب حـيـره
مفهـوم باطـل للرجـولـه .. والاهوال=كبيرة ٍ وبعـيـن مثـلـي صغـيـره
اترك دهاليز ٍ .. واجي طيب ينهال=اقنع به الطــيّــب .. نقي السريره
اثر المخابر زفـــت .. يـا بعـض الاحـوال=خصـوص .. باحضـان الليـال .. المريـره
الرجل مثـل الغيـم .. والطيـب .. همـال=لا طــاح .. تجتاح العـفـن .. قشعـريـره
أفرض : لو أني مخطي .. بكل الاحوال=ما تشفع ..؟! الخوّه .. وملـح ٍ .. وجيره
متن الوفـا بالطيـب .. يـا كـم قـد شـال=يا وجه شفـت الشـك .. الأسـود يديـره
والكلمة اللـي .. حـدت الرمـي .. شـعّـال=مات الوفا .. فيهـا .. وفـوّح .. عبيـره[/poem]

\





\





\

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شفت النوايـا الناصعـه .. حيـن تغتـال=بيدين .. وجه ٍ .. عاكس .. السير .. سيـره
لقيت.. فـي دورات الأيـام .. مشخـال=منها غنـي الطيـب .. ينكر .. فقيـره
وشفت العيون .. اللـي بنظراتهـا .. جفـال=مـا تاجـد .. لحشماتهـا .. بّـي .. ذخيـره
يا مفكر .. ان المرجلة .. زيـن .. الاقـوال=وأقبـلـت .. قايـد .. بالمعانـي مسـيـره
تستنقد .. الموال فـي صـوت .. بسكـال=وتبيح .. رقص ٍ .. في أغانـي .. شكيـره
مـدري : سميـره ذنبهـا .. (( حـبـة الخـال ))=ولاّ البلا .. يا شيخ .. غمـزة .. سميـره
والشاعره .. بوح ٍ بلا طبل .. طبال=يا حيف .. يا مقبل تقود .. الجريره
ان كان هذا العيب .. للعقد حلاّل =عساك ما ..عـيـّنـت بيّ .. عيب .. غيره
من شرهتي .. عيـب ٍ ألبسـك .. سربـال=وقشـر الغـلا .. مـده لمـن .. يستعيـره
واذا غلاك .. ادنات ما جاه.. ينزال=وفـّـر غلاك .. لـ شرهة ٍ به .. جديره
ما كل .. رجـل ٍ اشغـل .. ورى ضيقتـه .. بـال=ويا كـم وجـه ٍ .. طـول فرقـاه .. خيـره[/poem]

\





\





\

[poem=font="Simplified Arabic,6,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
طاشت فرس .. وأردت على الأرض .. خيّال=وصارت علـى الخيّـال .. ذنـب ومعيـره
اشوف تمييزك .. بدت فيه الاعطال!=واقبلت .. بجيوبك من الشك .. سيره
ومن يرخص ابناخيه قدام الانذال=يالله .. شهيقه .. ما يبادل .. زفيره
الشعر أدب .. يا اهل الأدب .. سامي خصال=لو صار .. قدامي .. طريـح بسريـره
هل تعلم ..؟! ان المرجلـه قـول وافعـال=والدين واضـح .. مثـل شمـس الظهيـره
يا نفس .. ليتك بس .. عن بعض الأشكـال=عـن عرفهـا .. ليتـك قبل مستخيـره
عساي .. مخطي غير في حق رجـال=مـا دج .. بـه .. بيـن الخلايـق بعـيـره
الناس .. في سطح القمـر .. تبنـي آمـال=وصويحبي .. للحيـن .. نسمـع شخيـره
يا مال فرقا العين .. يا مال .. يا مال =محـــد ٍ بـنـــا خســران .. حــبــة شـعـيـره
اذكر " خلف هذال " من شطر به قال= " صهيوننا " "من دون صهيون "... ( ... )
جرعه من السلال .. تمنعك سلال!=وشلون .. اعـلـّـم من يـشـّـن .. المغيره ؟!
من تقطع .. كفوفه // كفوفه .. ليّا صال= يـقتل غدر .. ضل الحمـّيـا .. هجيره
ماعاد .. اصدق في شعارات .. تنقال=مدام .. اشوفك قمت تعطي .. كسيره[/poem]

\





\





\

احــــتــــراااااامــي للــجـــمـــيـــع





بـــــــــدر،،

 

[عبدالله ثويني المانع]

..

ــ بدر الحنيف ــ

الألم الذي يحمله هذا النص كفيل بالقضاء
على كل محاولة لــ كتابة رد ..
كبير يا بدر بـ فكرك وشعرك ..
أرق التحايا
لقلبك ..




..

 

[بدر الحنيف]

المشاركة الأصلية كتبت بواسطة عبدالله ثويني المانع

..

ــ بدر الحنيف ــ

الألم الذي يحمله هذا النص كفيل بالقضاء
على كل محاولة لــ كتابة رد ..
كبير يا بدر بـ فكرك وشعرك ..
أرق التحايا
لقلبك ..




..

عبدالله ،،

أعتز بشهادتك أيها الرائع ..



شكري وتقديري لمرورك الكريم ..

بـــدر

 

[محمد السالم]

بدر الحنيف وما ادراكم مابدر الحنيف

اضوح في احد الأبيات هنا بأنه رعد برق ومخيلة


ولم يخطئ أبد فهوبرق الشعر ورعده ومخايله الوارفة

بدر الحنيف انه السمين في زمن كثر فيه الغث


بدر الحنيف أنه الشعر بكل ما تعني هذه الكلمة من معنا


بدر الحنيف لن أوفيه مايستحق من ثناء

 

[حنان محمد]

ثلاثة في واحد

الحنيف
قصيدة واحده لا يتخلف عليها ثلاثون فكيف بثلاث قصائد في متصفح واحد ؟

غيابك هو غياب للشعر

لا تغب ..

 

[بدر الحنيف]

المشاركة الأصلية كتبت بواسطة حنان محمد

ثلاثة في واحد

الحنيف
قصيدة واحده لا يتخلف عليها ثلاثون فكيف بثلاث قصائد في متصفح واحد ؟

غيابك هو غياب للشعر

لا تغب ..

حنان محمد ،،


نقاءك لا يختلف عليه .. مــئــه ايتها الرائعه .


مرورك مرور الجمال ..

شكري

 

[بدر الحنيف]

المشاركة الأصلية كتبت بواسطة محمد السالم

بدر الحنيف وما ادراكم مابدر الحنيف

اضوح في احد الأبيات هنا بأنه رعد برق ومخيلة


ولم يخطئ أبد فهوبرق الشعر ورعده ومخايله الوارفة

بدر الحنيف انه السمين في زمن كثر فيه الغث


بدر الحنيف أنه الشعر بكل ما تعني هذه الكلمة من معنا


بدر الحنيف لن أوفيه مايستحق من ثناء

محمد السالم ،،


مرورك من هنا .. تتويج للشعر والشاعر ..


فخور بهذا الأطراء العذب .. الذي شرفتني به ..


ممتن لرقيّك ..

شكري وتقديري لك ،،

 

[خالد العنزي]

بدر

قرأتها للمره الثالثه

شاعر مميز بكل معنى الكلمه

تحياتي لك ياملك