عرايس ماريونت

[ايمَــان حجازي]

عرايس ماريونت

بنخاف ونخف
ونتعلق ونتوه ونلف
بدون عنوان
والوقت يفوت
مكنتش النهايات متعادة
بعيون دبلانه
بفنجان سادة
من امتى جروحنا بتتداوى
بكلمه معلش
ما هو مليون وش
وبناخد جنب ونتشارك
اوجاع يمكن تكفيرلذنوب
او يمكن دين وبيتسدد
انا فعلا مش
قادرة احدد
فيها ايه لو اكون
من غير قلبى
مش كات هتكون
دنيا جميله
مفيهاش احزان
اقول ياربى انا الغلطان
انا اللى جريت
ورا الاوهام
بقيت عايشه فى دوامه
اقول بحب مبحبش
يجوز لسه
الطريق مبدأش
يجوز ايوه يجوز لأ
يجوز مجنونه
اوهاديه ومتفائله
يخيب ظنى
واقول بكره
ول حظى السىء
ع فكره
ارجع اطمن وأءمن
لرصاص افكارك يكتبنى
وبصبر نفسى
بكام كذبه
وبكذب كل الى
انا شيفاه
ف حاجات جوانا بتتبقى
وتسبنا مابين ايوه ولأ
وترد ساعات
ببرود جايز
بدون اسباب
وكانك باب
على دنيا بسيطه
بدون تغيير
مش هرجع
الومك او ادور
ماهى دنيا وشوش
بتبان الوان
عرايس مارينوت
بتبدل ف
الادوار كمان
وانت عايش دور ضحيه
مره خايف مره اسف
مره مش قادر تجامل
وتعد نجوم السما اوهام
الحب الصح
اللى يطلع
احلى ما فينا
او يقدر حتى يخلينا
نكون اجمل من الاول
لقيتك زى
كل الناس
مجرد كدب متزوق
ايدى صحيح
سابت ايدك
لكن قلبى يقول لأ
والوقت يفوت
واللى باقى
من اللى فات
لسه بيتوه ف الساعات
كل شىء كان عكس ظنى
عمرى ما اتخيلت انى
خلاص من بكره
هتعامل بكل برود
انا اللى حقيقى
مش فاهمه
حاجات حصلت
حاجات حاصله
خلاص مبقتش مستاهله
دى البدايه والنهايه
او هروبى م الحياه
اتصدمت وقلبى تاه
والوجع جاب منتهاه
هو ده طبع الحياه
واللى حبوا زمان حكوا لى
ان دوام الحال محال

 

[ايمَــان حجازي]

ما شاء الله بكم اسعد ايا قراء الابجد

والله يكفينى قرائتكم ايا زوار ابعادنا الوطن
ولعيونكم ال مرت احتراماتى وتقديرى
وانتظر مزيدا من المشاهدات


ويسعدنى انها ترقى لذائقة مرت بها
ك غيمة تنسكب عطراً من علو الثامنة
فتمنح روحى الفرح


لا حرمت ول ارواحكم عناقيد ياسمين
🌹

 

[قايـد الحربي]

:

"من امتى جروحنا بتتداوى
بكلمة معلش"

من امتى

:
إيمان
شكراً تليق بك

 

[صلاح سيد أحمد الغول]

(اتصدمت وقلبى تاه
والوجع جاب منتهاه
هو ده طبع الحياه).
لا طبعاً .. ده مش هو طبع الحياه .. دي طباع البشر ..
الطبيعي في الحياة أن تكون النهايات سعيده تماماً كما في مسارِح الماريونيت
التي نُحركها نحن البشر بالفِطرة السليمة وبالطّاقة الإيجابية ونوجهها لنهايات جميله
ولأحلام يقظه سعيده تحاكي الواقع وهي مصنوعه وكذلك السعادةُ يا سيّدتي نصفُها صناعه
نصنعها نحنُ لأنّها تنبع من دواخلنا من إرادة أن نكون سُعداء برغمِ كلِّ الظروف .

نص بديع من السّهل الماتع المُمتنِع ..
دومي سعيدةً يا أُخيّه

 

[ايمَــان حجازي]

المشاركة الأصلية كتبت بواسطة قايـد الحربي

:

"من امتى جروحنا بتتداوى
بكلمة معلش"

من امتى

:
إيمان
شكراً تليق بك

انا لا اصدقني بحضور اول
اشبه بمطر سماء سابعه
الذي طهرني من عوالق الاسى والالم ~
حضورك ياسيدي لم يشكل فارقاً لي فحسب
بل أضفى للحرف جمالاً وإن كساه السواد
لكَ🌹 ☕

 

[أحمد بن هادي]

كذا عمر الحب أغلب الأوقات يكون قصير
بعدها يبدأ الخلاف والغياب وأحياناً الكره
للأسف هي كذا الأشياء الجميلة عمرها قصير

الفاضلة ايمان حجازي

دام النبض والحرف

تقديري لكِ