عزيل عينى و نجمة الليل

[عقاب النهار]

هذه القصيده

من الشاعر العزيز على قلبى


(((((الطوفااااااان))))))))

كما يوجد ردى عليها وامل ان تحوز على رضاء الجميع

ولكم تحيتى واحترامى لكل من قراء القصيده

عزيل عينى

[POEM="font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]عزي لعينى

الطوفاااااااااان

عزي لعين(ن)يابوضاري بهـ الليل=تذرف غزير الدمع لوا عمايا
ويامل قلب(ن) فيه هم وغرابيل=تجمعن باالجوف وسبب شقايا
على الذي له في فؤادي منازيل= دق الغلا والشوق وسط الحشايا
ماسمع به العذال لو قيل ماقيل= وماسمع به الكذاب واهل الوشايا
من دون وصله ماتزين التعاليل=الا وهي قدام عيني معايا
وان غاب عني بادلن بالمراسيل=يروي عروق(ن) من بعدهم ضمايا
هي الفرح..هي الأمل.. والمواصيل=هي المرض..هي العلل.. هي دوايا
هي الشموع المنوره والقناديل=هي النجوم الساطعه في سمايا
وبـ ليلة(ن) ظلما تقول افهم القيل=بقول شي(ن)وافهمه ياهوايا
افهم كلامي واعرفه دون تفصيل=كلمة وداع(ن) قال ترها النهايا
وأن مر يوم وجيتكم مع ضوا سهيل= ترني ضعفت وردني من البدايا
قلت اغليك انا والله باالحيل بالحيل=ولو تطلب الثنتين ترهن فدايا
قال اغليك ياالطوفان من غير تمثيل= ولو باشرح الموضوع تطول الحكايا
قفى وخلاني ثابت كما الميل=واحترت انا مابين ذيك الزوايا
قفى ودمع العين مثل الهماليل=قفى وهو بيقول لوا عنايا
ورجعت والياس معانق الويل=قدام عيني ماتفارق اخطايا
ورقيت لي مرقاب وبهرت المعاميل=اقنب قنيب الذيب واجر العوايا
وقلت انساه!!!لا والله سابع مستحيل= وشلون ابنسى والخفايا خفايا
ياالله عسى دنياه كله تساهيل= وترشده ياربي لطريق الهدايا
ومرجع انا لوكان وحده بهـ الجيل= وذي عادتي ياعقاب منظر ورايااا

[/POEM]

الرد عليه
نجمة الليل

[POEM="font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الرد عليه
نجمة الليل
عديت بالمرقاب وعفت التعاليل=يوم الخبر جانى وزود بلايا
من واحد(ن)يشكى هموم وبهاذيل=رجه خبر مرسول زين الحلايا
لحيت والله فى سؤالك وبالحيل=تبى ألأجابه وألأجابه خفايا
سألت يالطوفان عن نجمة الليل=اللى لها بالقلب عندك بقايا
اللى معاها زان وقت التعاليل=واللى على اخلاقه فلا له حلايا
النادره مثله قليل(ن)بهــ الجيل=اركت على كبدك لهيب أو كوايا
ما ألوم قلبك لو تجر المواويل=عشرة شرف فازت بكل المزايا
دنياك فيها العجب والتهاويل=واليا أحكمت صعب(ن)عليها العصايا
ناس(ن)تحجب السد ما حب للقيل=وناس(ن)تبوح السد معك أو معايا
ولك صاحب(ن)جنب عليك الغرابيل=خلا همومه وسط قلبه شظايا
عارف مهو راجع ولا فيه تأجيل=امر(ن)جرا ما هو بسرد وحكايا
حارت ودارت جارفه واهج السيل=فى ها الزمن ما لك عليها قوايا
((غابت وحّده عنك الجدى وسهيل=حتى الثريا له معاها سوايا))
وانا اعرفك من زحول الرجاجيل=مالك على المقفى رجوع وهوايا
ماشى بدربك تعرف العدل والميل=أمسح أثار الحب واخف البقايا


وسلااااااااااااااامتكم

الطوفاااااااان || و|| عقاب النهاااااااار[/POEM]

ملاحظه // البيت اللى بين قوسين القصد انه مظمون القصيده لا لشخص اخر
وسلامتكم
اخوكم
عقاب النهار

 

[صالح العرجان]

حجز اول


على متن الابداع نفسه

 

[صالح العرجان]

عقاب النهار


ورقيت لي مرقاب وبهرت المعاميل
..................................اقنب قنيب الذيـب واجـر العوايـا
وقلت انساه!!!لا والله سابع مستحيل
..................................وشلون ابنسـى والخفايـا خفايـا



الذيب لا عوى يلقى لها ذيابه تعوي لعواه



صح لسااااااااااانك

 

[سعد سيف]

عقاب النهار


"


"


صوت رائع


وصدى اروع


لكم كل الود

 

[سعود السالم]

رديه رائعه بين شاعرين كبيرين
دام تواصلك اخوي عقاب
ولا تحرمنا من جديدك

لك كل الشكر

 

[اورنس الهذال]

عقاب النهار

صح لسانك ولاهنت

رائع كما انت

دمت بخير

 

[وداد الجابري]

عقاب النهار
قصائد روعه
صح اللسانك وعلا شانك
مشكور ماقصرت اخوي

 

[سعود الشريف]

الشاعر الرائع عقاب النهار

صح السانك
ولسان الشاعر الطوفان

قصائد رائعه اتحفتنا بها
دام تواصلك
ودمت