أوووه .. ياماااال!

[خالد التميمي]

:







يهبّ ريح الوجد .. ويلوح غربال
........... وأشوف كنّ الجرح بالجرح .. معقود!

:

أغراب جينا .. والمقادير ترحال
............ والعمر ينقص .. والرجا بالله يزود

:

والليلة اللي شفّها .. ضيقة البال
............ أقفت تجرّ ثيابها .. جور وصدود

:

مثل البحر يا بحْر جيتك .. ولي جال
......... لا شك أضيق .. وضيقتي مالها حدود

:

أشيل حملي .. وأدفن الجرح .. بالفال
....... وأسولف بـ حلمي .. على أيامي السود

:

وأقول لو إن الزمن فيه .. مقيال
.......... ما خلّت نفوس اليتامى .. ذرى الجود

:

يموت مستور الخطا .. ماله جلال
............ ويعيش ميسور العطا .. ما معه عود!

:

حتى انت يا ندّ السما .. مالك ظلال
............. لو كان صدرك غيم .. وأطرافك حيود

:

حزنك قديم .. وذكرياتك بلا اطلال
............. والملح يحفر في حناياك .. ويجود

:

ولولاك يا غبّ البحر .. تستر الحال
........ ما صرت لـ زناد الهواجيس .. بارود!

:

ياقصة المحّار .. والـ أووووه يامال
.......... يا خوّة الطوّاش .. والبرد .. والنود

:

يضحك لك العشـّاق .. ويدنّ خلخال
......... ويطيح .. من غصن المكاتيب .. عنقود

:

ماجيت لك طايش .. ولا جيت كرمال..
.............. قلبٍ يقوده بالهوى .. باشة الخود

:

جيتك وأنا قلبي له قيـود وحبال
......... وأقفيت من عندك .. بلا حبال وقيود!








.

 

[اسعد الروابة]

خالد التميمي:


نص يطفح بالأبداع

أهلاً وسهلاً بهذا القدوم المبهج

 

[مروان الحربي]

صح لسانك ولا هنت

واهلا وسهلا بك في اول اطلالة رائعة .


دمت بود

 

[نايف الروقي]

خالد التميمي

كم وكم هنا من شعر

ومن بحر ومن أثر

دعنا بين ثناياها وابحر بنا

للبعيد لنكون

على موعد مع التحليق

خارج نطاق الجاذبيه الفكريه ..!!!!!

 

[نواف التركي]

خالد التميمي


ألف هلابك في أبعاد , هذه الرائعه لا أستطيع الحديث عنها بكلمات قليله , نص رائع يا خالد وبطاقه تعريفيه تحمل لنا الكثير من الشعر والفكر.


صح قلبك

 

[سلطان ربيع]

خالد التميمي
أهلاً وسهلاً بك
تتشرف أبعاد أدبية بتواجدك
حضورك نور وهطولك الغيث
دمت بخير

 

[العـنود ناصر بن حميد]

هنا كنت

أستمع لتنهد البحر

وحنينه للسفن

للصواري

ولأمنيات الناس

صوت الهولو واليامال

كتب ببياض روحه

قصيدة

خالد التميمي

أهلاً بك

وأهلاً بالشعر

 

[سلطان المسلط]

في البدايه اهلا وسهلا بك اخوي خالد التميمي في أبعاد ادبيه



وجودك بعد قراءه هذه القصيده الراقيه


يزيد الجمال جمال في ابعاد ادبيه



يموت مستور الخطا .. ماله جلال
............ ويعيش ميسور العطا .. ما معه عود!



بيت رائع


وبصراحه كل بيت هنا عن قصيده




بانتظار القادم الى ذلك الحين


لك اطيب تحيه





سلطان المسلط