عين السّهر ...!

[محمد السالم]

**


**



[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يا شيب عين السّهر منها وياعيني = يا شيبها مالسّهر واطرف حكايتها
من طبعها لا تهادى الليل ضاويني = ترتب أحزانها وتشب شمعتها
وتكفّ كل الكلام ولا تحاكيني = وتحضى نجوم الدجى باثمن رعايتها
فإذا بدا النور غنّت صوت يبكيني = كنّ اليتم ينبعث من ناي غنيتها!
أحس معها ترجّعني إلى طيني = اللي جمع سيرتي في جلد سيرتها!
وتسوق لي ريح تعصف بيّ وتذريني = ولا يعود اتزاني كون دمعتها!
صرت اكره الليل حين آراه ممسيني = سمح لعيني تمادا في جنايتها
وأحاول الحق نهاري لين يخفيني = جناح ليلٍ ضوى عيني يبيتها
يا ما تحايلت فيها بينها وبيني = تغيّر أطباعها من سوّ عادتها
واعود خالي وفاض أفرّك يديني = بنصايح أحس عيني ما استساغتها
في خاطري هاجسٍ يبعد ويدنيني = متى يعود الدفى لاجوى مخدتها؟
وأبقى بصدر السؤال اللي معنيني = مادام ذا حالها وشهي نهايتها؟
الله يسامح حبايب فعلها فيني = خلاّني أشقى ورى عينـي بسبتهـا[/poem]

**


**

م.س.

 

[رضوان الهاشمي]

المشاركة الأصلية كتبت بواسطة محمد السالم

**


**



[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يا شيب عين السّهر منها وياعيني = يا شيبها مالسّهر واطرف حكايتها
من طبعها لا تهادى الليل ضاويني = ترتب أحزانها وتشب شمعتها
وتكفّ كل الكلام ولا تحاكيني = وتحضى نجوم الدجى باثمن رعايتها
فإذا بدا النور غنّت صوت يبكيني = كنّ اليتم ينبعث من ناي غنيتها!
أحس معها ترجّعني إلى طيني = اللي جمع سيرتي في جلد سيرتها!
وتسوق لي ريح تعصف بيّ وتذريني = ولا يعود اتزاني كون دمعتها!
صرت اكره الليل حين آراه ممسيني = سمح لعيني تمادا في جنايتها
وأحاول الحق نهاري لين يخفيني = جناح ليلٍ ضوى عيني يبيتها
يا ما تحايلت فيها بينها وبيني = تغيّر أطباعها من سوّ عادتها
واعود خالي وفاض أفرّك يديني = بنصايح أحس عيني ما استساغتها
في خاطري هاجسٍ يبعد ويدنيني = متى يعود الدفى لاجوى مخدتها؟
وأبقى بصدر السؤال اللي معنيني = مادام ذا حالها وشهي نهايتها؟
الله يسامح حبايب فعلها فيني = خلاّني أشقى ورى عينـي بسبتهـا[/poem]

**


**

م.س.

السالم صح الله لسانك
عودتنا شعرا منسابا من شخص عزف على الناي نبضه

يا شيب عين السّهر منها وياعيني
يا شيبها مالسّهر واطرف حكايتها


ما اروع الابيات ان بدأت بهكذا حس شعري
وما اروعها ان كانت من شخص مثل السالم





صح الله لسانك
قرأتها وسأعود اقراها لانها
تستحق ان تستوقف ذائقه تقف اجلالا واحتراما لك

 

[خالد علي اليامي]

السالم

استوقفني كثير من الابيات

ولكن غير قادر على الاقتباس


اعجبني (صرت اكره الليل..

لله درك

جميل انت,,,

حب

 

[محمد أحمد الحربي]

محمد ,

صح لسانك

ربي لا يضرك

شاعر جميل وأنيق ,

اعجابي ومتابعتي يا قدير

 

[ناصر حطاب الدهمشي]

في خاطري هاجسٍ يبعد ويدنيني
ــــــــــــــــــــــ متى يعود الدفى لاجوى مخدتها؟

أشعِـلْها بالغياب ..وسيعود

محمد السالم .. قافية النص أرق من ماء ..
و كأنَّك تُحرضني على الإفطار بها ..
ما شاء الله عليك ..

صديقك ..
ناصر الدهمشي

 

[عبدالله العويمر]

محمد
دَائِمَا مَايَكون حُضُورُك دَاعيَا ً لألوَان الجَمَال

دُمْت بِخَيْر